Missing Case: ಕುತ್ಪಾಡಿ: ವ್ಯಕ್ತಿ ನಾಪತ್ತೆ; ದೂರು

ಉಡುಪಿ: ಕುತ್ಪಾಡಿ ಗ್ರಾಮದ ಉದ್ಯಾವರ ನಿವಾಸಿ ರಂಗನಾಥ್‌ (49) ಅವರು ಕಾಣೆಯಾದ ಕುರಿತು ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮನೆಯಲ್ಲಿ ಜೂಸ್‌ ತಯಾರಿಸಿ ಅಂಗಡಿಗಳಿಗೆ ಮಾರಾಟ ಮಾಡುವ ವೃತ್ತಿ ನಡೆಸುತ್ತಿದ್ದ ಅವರು ಡಿ. 7ರಂದು ಬೆಳಗ್ಗೆ 6ಕ್ಕೆ ಹಾಲು ತರಲೆಂದು ಆಕ್ಟಿವಾ ಹೋಂಡ ಸ್ಕೂಟಿಯಲ್ಲಿ ಮನೆಯಿಂದ ಹೊರಟು ಹೋದವರು ವಾಪಸು ಮನೆಗೆ ಬಾರದೆ, ಸಂಬಂಧಿಕರ ಮನೆಗೂ ಹೋಗದೆ ಕಾಣೆಯಾಗಿರುತ್ತಾರೆ ಎಂದು ಅವರ ಪತ್ನಿ ದಿವ್ಯಾ ಅವರು ನೀಡಿದ ದೂರಿನಂತೆ ಪ್ರಕರಣ ದಾಖಲಾಗಿದೆ.

ದೂರಿನಲ್ಲಿ ರಂಗನಾಥ್‌ ಅವರು ಮನೆ ನಿರ್ಮಾಣ ಮಾಡಲು ಕೈಸಾಲ ಮಾಡಿದ್ದು, ಅದರ ಹಣವನ್ನು ತೀರಿಸಲಾಗದೆ ಇತ್ತೀಚೆಗೆ ಜುಗುಪ್ಸೆಗೊಂಡಿದ್ದರು ಎಂದು ತಿಳಿಸಲಾಗಿದೆ.