Missing Case: ಯುವಕ ನಾಪತ್ತೆ; ಪ್ರಕರಣ ದಾಖಲು

ಮಂಗಳೂರು: ಮೂಲತಃ ಕಾಸರಗೋಡಿನವರಾಗಿದ್ದು ಬಜಾಲ್‌ ಕುತ್ತಡ್ಕದಲ್ಲಿ ವಾಸವಿದ್ದ ಚರಣ್‌ರಾಜ್‌ (22) ನಾಪತ್ತೆಯಾಗಿದ್ದಾರೆ.

ಬ್ಯಾಂಕ್‌ನಲ್ಲಿ ಕ್ರೆಡಿಟ್‌ ಕಾರ್ಡ್‌ ಮಾಡಿಸುವ ಕೆಲಸದಲ್ಲಿದ್ದ ಅವರು ಕಳೆದ ಸುಮಾರು 10 ದಿನಗಳ ಹಿಂದೆ ಕೆಲಸ ಬಿಟ್ಟು ಮನೆಯಲ್ಲಿಯೇ ಇದ್ದರು. ಡಿ. 1ರಂದು ಬೆಳಗ್ಗೆ ಮನೆಯಿಂದ ಹೊರಗೆ ಹೋಗಿ ರಾತ್ರಿ ಬರುವುದಾಗಿ ಹೇಳಿದ್ದರು.

ರಾತ್ರಿ ವಾಪಸ್‌ ಬರದಿದ್ದಾಗ ಮನೆಯವರು ಕರೆ ಮಾಡಿದ್ದರು. ಆಗ ಧರ್ಮಸ್ಥಳದಲ್ಲಿರುವುದಾಗಿ ತಿಳಿಸಿದ್ದರು. ಡಿ. 3ರಿಂದ ಮೊಬೈಲ್‌ ಸ್ವಿಚ್‌ಆಫ್ ಆಗಿದೆ ಎಂದು ಪ್ರಕರಣ ದಾಖಲಾಗಿದೆ.