ನಾಪತ್ತೆಯಾಗಿದ್ದ ಸಿಕ್ಖ್ ಯುವಕ ಪಾಕ್‌ನಲ್ಲಿ ಪತ್ತೆ; ಇಂದು ಸ್ವದೇಶಕ್ಕೆ

ಲಾಹೋರ್‌ : ಬೈಶಾಖೀ ಉತ್ಸವಕ್ಕೆಂದು ಪಾಕಿಸ್ಥಾನಕ್ಕೆ ಹೋಗಿ ನಾಪತ್ತೆಯಾಗಿದ್ದ 24ರ ಹರೆಯದ ಭಾರತೀಯ ಸಿಕ್ಖ್  ವ್ಯಕ್ತಿ, ಅಲ್ಲಿ ಆತನ ಪೇಸ್‌ ಬುಕ್‌ ಫ್ರೆಂಡ್‌ ಮನೆಯಲ್ಲಿ ಪತ್ತೆಯಾಗಿದ್ದು ಇಂದು ಮಂಗಳವಾರ ಆತನನ್ನು ವಾಘಾ ಗಡಿಯಲ್ಲಿ ಭಾರತೀಯ ಅಧಿಕಾರಿಗಳ ವಶಕ್ಕೆ ಒಪ್ಪಿಸಲಾಗುವುದು ಎಂದು ವರದಿಯಾಗಿದೆ.

ಪಾಕ್‌ ಒಳಾಡಳಿತೆ ಸಚವಾಲಯದ ವಿಶೇಷಾನುಮತಿ ಪಡೆದ ಬಳಿಕ ಇವ್ಯಾಕ್ಯೂ ಟ್ರಸ್ಟ್‌ ಪ್ರಾಪರ್ಟಿ ಬೋರ್ಡ್‌ (ಇಟಿಪಿಬಿ) ಇಂದು ಅಮರ್‌ಜಿತ್‌ ಸಿಂಗ್‌ ನನ್ನು ವಾಘಾ ಗಡಿಯಲ್ಲಿ ಬಿಎಸ್‌ಎಫ್ ಅಧಿಕಾರಿಗಳ ವಶಕ್ಕೆ ಒಪ್ಪಿಸುವರು ಎಂದು ಇಟಿಪಿಬಿ ವಕ್ತಾರ ಆಮೀರ್‌ ಹಾಶ್ಮೀ ಮಾಧ್ಯಮಕ್ಕೆ ತಿಳಿಸಿದರು. ಅಮರ್‌ಜಿತ್‌ ಸಿಂಗ್‌ ಕಾಲ್ನಡಿಗೆಯ ಮೂಲಕ ಗಡಿ ದಾಟಿ ಪಾಕಿಗೆ ಹೋಗಿದ್ದ ಎಂದವರು ಹೇಳಿದ್ದಾರೆ.