ಬಾಲಕಿಯ ಮೇಲೆ ಅತ್ಯಾಚಾರ : ಆರೋಪಿ ಭೂ ಮಾಲಕನ ಬಂಧನ

ಬದೋನ್‌, ಉತ್ತರ ಪ್ರದೇಶ : ಬಾಲಕಿಯ ಮೇಲೆ ಅತ್ಯಾಚಾರ ಎಸಗಿದ ಕಾಮಾಂಧ ವ್ಯಕ್ತಿಯನ್ನು ಪೊಲೀಸರು ಬಂಧಿಸಿದ್ದಾರೆ. 

ಕೃಷಿ ಕಾರ್ಮಿಕಳಾಗಿರುವ ತನ್ನ ತಾಯಿಯ ಜತೆಗೆ ಬಾಲಕಿಯು ಹೊಲಕ್ಕೆ ಬಂದಿದ್ದಳು. ಆಗ ಭೂಮಾಲಕನು  ಕೋಣೆಯೊಳಗೆ ಕೆಲಸ ಮಾಡಲಿಕ್ಕಿದೆ ಎಂದು ಮಹಿಳೆಯನ್ನು  ಅಲ್ಲಿಗೆ ಕಳುಹಿಸಿದ. ಆಕೆ ಅಲ್ಲಿಗೆ ಹೋದಾಗ ಇತ್ತ ಆತ ಬಾಲಕಿಯ ಮೇಲೆ ಅತ್ಯಾಚಾರ ಎಸಗಿದ ಎಂದು ಎಸ್‌ಪಿ ಸುರೀಂದ್ರ ಪ್ರತಾಪ್‌ ಸಿಂಗ್‌ ತಿಳಿಸಿದ್ದಾರೆ.

ಬಾಲಕಿಯ ತಾಯಿ ಕೊಟ್ಟ ದೂರಿನ ಪ್ರಕಾರ ಅತ್ಯಾಚಾರಿಯನ್ನು ಪೊಲೀಸರು ಬಂಧಿಸಿದರು. ಬಾಲಕಿಯನ್ನು ವೈದ್ಯಕೀಯ ಪರೀಕ್ಷೆಗೆ ಕಳುಹಿಸಲಾಗಿದೆ ಎಂದು ಎಸ್‌ಪಿ ತಿಳಿಸಿದರು.