ಮೆಕ್ಸಿಕೊ: ಪ್ರಬಲ ಭೂಕಂಪಕ್ಕೆ 139ಕ್ಕೂ ಅಧಿಕ ಬಲಿ

ಮೆಕ್ಸಿಕೋ: ಮೆಕ್ಸಿಕೊದ ಪ್ಯುಬೆಲಾ ರಾಜ್ಯದ ರಬೊಸೊ ಪಟ್ಟಣದಲ್ಲಿ ಮಂಗಳವಾರ ರಾತ್ರಿ ಸಂಭವಿಸಿದ ಪ್ರಬಲ ಭೂಕಂಪಕ್ಕೆ 139 ಮಂದಿ ಸಾವನ್ನಪ್ಪಿದ್ದಾರೆ ಎಂದು ತಿಳಿದು ಬಂದಿದೆ.

ಭೂಕಂಪನ ಪ್ರಮಾಣ ಸುಮಾರು 7.1 ರಷ್ಟಿದ್ದು, ಭೂಕಂಪನದ ತೀವ್ರತೆಗೆ ನಗರದ ಹಲವೆಡೆ ಕಟ್ಟಡ, ಮನೆಗಳು ಧರಾಶಾಹಿಯಾಗಿವೆ. ಮೆಕ್ಸಿಕೊ ಸೇರಿದಂತೆ ಪುಯೆಬ್ಲಾ ಮತ್ತು ಮೋರ್ಲೋಸ್ ರಾಜ್ಯಗಳಲ್ಲಿ ಹೆಚ್ಚಿನ ಸಾವು ನೋವು ಸಂಭವಿಸಿದೆ ಎಂದು ವರದಿಯಾಗಿದೆ.  

ಸ್ವಯಂ ಸೇವಾ ಸಂಘಟನೆಗಳಿಂದ ರಕ್ಷಣಾ ಕಾರ್ಯಾಚರಣೆ ಭರದಿಂದ ಸಾಗುತ್ತಿದ್ದು, ಇನ್ನಷ್ಟು ಸಾವು ನೋವುಗಳು ಸಂಭವಿಸಿರುವ ಶಂಕೆ ವ್ಯಕ್ತವಾಗಿದೆ. 

ಎರಡು ವಾರಗಳ ಹಿಂದೆಯಷ್ಟೆ ಮೆಕ್ಸಿಕೊದಲ್ಲಿ ಸಂಭವಿಸಿದ ಭೂಕಂಪಕ್ಕೆ 90 ಮಂದಿ ಸಾವನ್ನಪ್ಪಿದ್ದರು.