Advertisement
ಇಲ್ಲಿನ ಉತ್ತರ ಸಂಚಾರ ಠಾಣೆ ಆವರಣದಲ್ಲಿ ಮಂಗಳವಾರ ಆಟೋ ರಿಕ್ಷಾ ಚಾಲಕರ, ಮಾಲಕರ ಸಂಘಗಳೊಂದಿಗೆ ಸಭೆ ನಡೆಸಿದ ಅವರು, ಅವಳಿ ನಗರದಲ್ಲಿ ಜನವರಿ 1ರಿಂದ ಕಡ್ಡಾಯವಾಗಿ ಮೀಟರ್ ಬಳಕೆ ಕಡ್ಡಾಯಗೊಳಿಸಲಾಗಿದೆ. ಮೀಟರ್‌ಗೆ ಹೊಸ ದರ ಅಳವಡಿಸಿಕೊಳ್ಳಬೇಕಾಗಿದ್ದು, ಮೆಕ್ಯಾನಿಕಲ್‌ಗೆ 525 ರೂ. ಹಾಗೂ ಡಿಜಿಟಲ್‌ಗೆ 470 ರೂ. ದರದಂತೆ ಮೀಟರ್ ಮಾಪನಾಂಕ ಮಾಡಬೇಕು ಮತ್ತು ಅದಕ್ಕೆ ಕಡ್ಡಾಯವಾಗಿ ಬಿಲ್‌ ಕೊಡಬೇಕು. ಬಿಡಿಭಾಗಗಳ ದರ ಪ್ರತ್ಯೇಕವಾಗಿ ಪಡೆದುಕೊಳ್ಳಬಹುದು. ಇಲ್ಲವಾದರೆ ಅಂಥವರ ಮೇಲೆ ವಂಚನೆ ಪ್ರಕರಣ ದಾಖಲಿಸಿ, ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದರು.
Related Articles
Advertisement
ಡಿಸಿಪಿ ನೇಮಗೌಡ ಮಾತನಾಡಿ, ಆರ್‌.ಪಿ. ಸೋಳಂಕಿ ಅವರು ಡಿ.31ರ ವರೆಗೆ ಮೀಟರ್ ಮಾಪನಾಂಕವನ್ನು ಉತ್ತರ ಸಂಚಾರ ಠಾಣೆ ಹಿಂಭಾಗದ ಆವರಣದಲ್ಲಿ ದುರಸ್ತಿ ಮಾಡಬೇಕು ಹಾಗೂ ಧಾರವಾಡದಲ್ಲಿನ ದುರಸ್ತಿದಾರರು ಧಾರವಾಡ ಸಂಚಾರ ಠಾಣೆಯಲ್ಲಿ ರಿಪೇರಿ ಮಾಡಬೇಕು ಹಾಗೂ ಮೆಕ್ಯಾನಿಕಲ್‌ಗೆ 525 ರೂ. ಮತ್ತು ಡಿಜಿಟಲ್‌ಗೆ 470 ರೂ. ದರ ನಿಗದಪಡಿಸಿದ್ದು, ಅದೇ ರೀತಿ ಪಡೆದುಕೊಳ್ಳಬೇಕೆಂದು ಸೂಚಿಸಿದರು.
ಇದೇ ವೇಳೆ ತೂಕ ಮತ್ತು ಮಾಪನ ಇಲಾಖೆಯ ಅಧಿಕಾರಿ ಎ.ಎಸ್‌. ಪಾನಿಶೆಟ್ಟರ ಅವರು, ನಿಗದಿಪಡಿಸಿದ ದರದಂತೆ ಮೀಟರ್ ಮಾಪನಾಂಕ ದುರಸ್ತಿಗೊಳಿಸಬೇಕು ಎಂದರು. ಆರ್‌ ಟಿಒ ಅಧಿಕಾರಿ ರವೀಂದ್ರ ಕವಲಿ, ಆಟೋ ರಿಕ್ಷಾಗಳು ಜನವರಿ 1ರಿಂದ ಕಡ್ಡಾಯವಾಗಿ ಮೀಟರ್ ದರದಂತೆ ಸಂಚರಿಸಬೇಕು. ಮೊದಲ 1.6 ಕಿ.ಮೀ. ಗೆ 28 ರೂ. ಹಾಗೂ ನಂತರದ ಪ್ರತಿ ಕಿ.ಮೀ.ಗೆ 15 ರೂ. ದರ ನಿಗದಿಪಡಿಸಲಾಗಿದೆ ಎಂದರು.
ಎಸಿಪಿ ಎಂ.ವಿ. ನಾಗನೂರ, ಸಂಚಾರ ಠಾಣೆ ಇನ್‌ಸ್ಪೆಕ್ಟರ್‌ಗಳಾದ ಶ್ರೀಕಾಂತ ತೋಟಗಿ, ಶ್ರೀಪಾದ ಜಲ್ದೆ, ಮುರಗೇಶ ಚನ್ನಣ್ಣವರ ಹಾಗೂ ಆಟೋ ರಿಕ್ಷಾ ಚಾಲಕರ, ಮಾಲಕರ ಸಂಘದ ದೇವಾನಂದ ಜಗಾಪೂರ, ಬಾಬಾಜಾನ ಮುಧೋಳ, ಬಶೀರ ಮುಧೋಳ, ಶೇಖರಯ್ಯ ಮಠಪತಿ, ಪುಂಡಲೀಕ ಬಡಿಗೇರ, ಚಿದಾನಂದ ಸವದತ್ತಿ ಮೊದಲಾದವರು ಪಾಲ್ಗೊಂಡಿದ್ದರು.
ಮಾದರಿ ಆಟೋ ರಿಕಾ ನಿಲ್ದಾಣ ನಿರ್ಮಾಣಮಾದರಿ ಆಟೋರಿಕ್ಷಾ ನಿಲ್ದಾಣ ನಿರ್ಮಾಣ ಕುರಿತು 15 ದಿನದೊಳಗೆ ಆಟೋ ರಿಕ್ಷಾ ಸಂಘಟನೆಗಳ ಮುಖಂಡರೊಂದಿಗೆ ವಲಯವಾರು ಭೇಟಿ ನೀಡಿ ಪರಿಶೀಲಿಸಿ, ಪಾಲಿಕೆ ಸಾಮಾನ್ಯ ಸಭೆಯಲ್ಲಿ ಒಪ್ಪಿಗೆ ಪಡೆದು ನಿಲ್ದಾಣ ನಿರ್ಮಾಣಕ್ಕೆ ಕ್ರಮ ಕೈಗೊಳ್ಳಲಾಗುವುದೆಂದು ಪಾಲಿಕೆ ಹೆಚ್ಚುವರಿ ಆಯುಕ್ತ ಅಜೀಜ್‌ ದೇಸಾಯಿ ಹೇಳಿದರು.