ಮೆಲ್ಕಾರ್‌ ಮರ ತೆರವಿನ ಕಾರ್ಯ ; ಹೆದ್ದಾರಿ ಬ್ಲಾಕ್‌; ಪ್ರಯಾಣಿಕರಿಗೆ ತೊಂದರೆ

ಬಂಟ್ವಾಳ: ಬಿ.ಸಿ.ರೋಡ್‌-ಅಡ್ಡಹೊಳೆ ರಾಷ್ಟ್ರೀಯ ಹೆದ್ದಾರಿ ಚತುಷ್ಪಥ ಕಾಮಗಾರಿಗಾಗಿ ರವಿವಾರ ಮೆಲ್ಕಾರಿನಲ್ಲಿ ಮರ ಕಡಿಯುವ ಕಾರ್ಯದ ಹಿನ್ನೆಲೆಯಲ್ಲಿ ಹೆದ್ದಾರಿ ಬ್ಲಾಕ್‌ ಉಂಟಾಗಿತ್ತು.

ಮೆಲ್ಕಾರ್‌ ಜಂಕ್ಷನ್‌ ಸಮೀಪದಲ್ಲಿದ್ದ ಬೃಹತ್‌ ಗಾತ್ರದ ಮರಗಳನ್ನು ಕಡಿಯಲಾಯಿತು. ಮರ ಕಡಿಯುವ ವೇಳೆ ವಾಹನ ಸಂಚಾರಕ್ಕೆ ಅವಕಾಶ ನೀಡಿದರೆ ಅಪಾಯದ ಸಾಧ್ಯತೆಯ ಹಿನ್ನೆಲೆಯಲ್ಲಿ ಬ್ಯಾರಿಕೇಡ್‌ಗಳನ್ನಿಟ್ಟು ಮರಗಳನ್ನು ತೆರವು ಮಾಡಲಾಯಿತು.

ರವಿವಾರ ರಜಾ ದಿನದ ಜತೆಗೆ ಶುಭ ಸಮಾರಂಭವಿದ್ದ ಕಾರಣ ಪ್ರಯಾಣಿಕರು ಬಹಳಷ್ಟು ತೊಂದರೆ ಅನುಭವಿಸಿದ್ದರು. ಮಾತ್ರವಲ್ಲದೇ ಹೆದ್ದಾರಿಯಲ್ಲಿ ವಾಹನ ಸಂಚಾರ ಹೆಚ್ಚಿದ್ದ ಹಿನ್ನೆಲೆ ಎರಡೂ ಬದಿಗಳಲ್ಲೂ ವಾಹನಗಳು ಸರತಿಯಲ್ಲಿ ನಿಂತಿದ್ದವು.

ಇದನ್ನೂ ಓದಿ:ಫಿಲಿಪೈನ್ಸ್​ನಲ್ಲಿ ರೈ ಚಂಡಮಾರುತದ ಅಟ್ಟಹಾಸ; 112 ಸಾವು