ಸರ್ಕಾರಕ್ಕೆ ಚಳ್ಳೆಹಣ್ಣು ತಿನ್ನಿಸಿದ ಮಾಯಾವತಿ!

ಲಕ್ನೋ: ಅಂತೂ ಇಂತೂ ಸರ್ಕಾರಿ ಬಂಗಲೆಯಿಂದ ಮಾಜಿ ಸಿಎಂ, ಬಿಎಸ್‌ಪಿ ನಾಯಕಿ ಮಾಯಾವತಿ ಅವರನ್ನು ತೆರ ವುಗೊಳಿಸಿದೆವೆಂದು ನಿಟ್ಟುಸಿರು ಬಿಟ್ಟಿದ್ದ ಉತ್ತರ ಪ್ರದೇಶ ಸರ್ಕಾರಕ್ಕೆ ಚಳ್ಳೆ ಹಣ್ಣು ತಿನ್ನಿಸಿದ್ದಾರೆ ಮಾಯಾ. 

ತಾವು ವಾಸವಾಗಿದ್ದ 10 ಬೆಡ್‌ ರೂಂನ ಮಾಲ್‌ ಅವೆನ್ಯೂ ಬಂಗಲೆ ಖಾಲಿ ಮಾಡಿರುವುದಾಗಿ ಹೇಳಿ, ಮನೆಯ ಬೀಗದ ಕೈ ಗೊಂಚಲನ್ನು ಮಾಯಾವತಿ ಇತ್ತೀಚೆಗೆ ಸರ್ಕಾರಕ್ಕೆ ಸ್ಪೀಡ್‌ ಪೋಸ್ಟ್‌ ಮೂಲಕ ಕಳಿಸಿದ್ದರು. ಆದರೆ, ಅವು ಮಾಯಾವತಿ ವಾಸವಿರುವ ಬೃಹತ್‌ ಬಂಗಲೆಯದ್ದಲ್ಲ ಎಂಬುದು ಅಧಿಕಾರಿಗಳಿಗೆ ಮತ್ತೆ ತಲೆಬಿಸಿ ತಂದಿದೆ.