ಈ ಡ್ರಾ ದ್ರಾವಿಡ್‌ಗೆ ಅರ್ಪಣೆ!

ಗಾವಸ್ಕರ್‌ ಯುಗ, ಅನಂತರ ದ್ರಾವಿಡ್‌-ಲಕ್ಷ್ಮಣ್‌ ಕಾಲದಲ್ಲಿ ಭಾರತ ಇಂಥದೊಂದು ಡ್ರಾ ಸಾಧನೆ ಮಾಡಿದ್ದರೆ ಅದು “ಮಹಾನ್‌’ ಎನಿಸಿಕೊಳ್ಳುತ್ತಿರಲಿಲ್ಲ. ಅಂದಿಗೆ ಅದು ಸಹಜವಾಗಿತ್ತು. ಆದರೆ ಕಾಲ ಬದಲಾಗಿದೆ. ಟಿ20 ಅಬ್ಬರಿಸುತ್ತಿದೆ. ಟೆಸ್ಟ್‌ ಪಂದ್ಯಗಳೆಲ್ಲ 3-4 ದಿನಗಳಲ್ಲೇ ಫ‌ಲಿತಾಂಶ ಕಾಣುವ ಕಾಲ ಘಟ್ಟವಿದು. ನಿಂತು ಆಡುವ ಇಂಥ “ಟೆಸ್ಟ್‌ ಗೇಮ್‌’ ಅವರ ಕಾಲದಲ್ಲೇ ಮುಗಿದು ಹೋಯಿತು ಎಂದು ಅಭಿಮಾನಿಗಳು ಎಂದೋ ಷರಾ ಬರೆದಾಗಿದೆ.  ಹೀಗಿರುವಾಗ ಗಾಯಾಳು ಭಾರತ ಸಿಡ್ನಿ ಟ್ರ್ಯಾಕ್‌ನಲ್ಲಿ 4 ಅವಧಿಗಳ ದಿಟ್ಟ ಹೋರಾಟ ನಡೆಸಿ ಪಂದ್ಯವನ್ನು ಡ್ರಾ ಮಾಡಿಕೊಳ್ಳುವ ಮೂಲಕ ದ್ರಾವಿಡ್‌ ಆಟವನ್ನು ನೆನಪಿಸಿದ್ದು ಸುಳ್ಳಲ್ಲ.

ಇಲ್ಲೊಂದು ಸ್ವಾರಸ್ಯವಿದೆ. ಸೋಮವಾರ “ದಿ ಗ್ರೇಟ್‌ ವಾಲ್‌’ ಖ್ಯಾತಿಯ ರಾಹುಲ್‌ ದ್ರಾವಿಡ್‌ ಅವರ 48ನೇ ಜನ್ಮದಿನದ ಸಂಭ್ರಮ. ಈ ದಿನದಂದೇ, ಸೋಲಲಿದ್ದ ಪಂದ್ಯವನ್ನು ಡ್ರಾ ಮಾಡಿಕೊಳ್ಳುವ ಮೂಲಕ ಭಾರತ ಮಹಾನ್‌ ಸಾಧನೆಗೈದಿದೆ. “ಈ ಡ್ರಾ ದ್ರಾವಿಡ್‌ಗೆ

ಅರ್ಪಣೆ’ ಎಂದು ನೆಟ್ಟಿಗರು ಸಂಭ್ರಮಿಸುತ್ತಿದ್ದಾರೆ. ದ್ರಾವಿಡ್‌ ಪಾಲಿಗೆ ಇದೊಂದು ಅರ್ಥ ಪೂರ್ಣ ಬರ್ತ್‌ ಡೇ ಎಂದು ಐಸಿಸಿ ಟ್ವೀಟ್‌ ಮಾಡಿದೆ.