ಮಾರುತಿ ಸುಝುಕಿಯಿಂದ ಭರ್ಜರಿ ಆಫ‌ರ್‌: 1 ಲಕ್ಷ ರೂ.ವರೆಗೆ ದರ ಕಡಿತ

ಹೊಸದಿಲ್ಲಿ: ದೇಶದ ಕಾರು ಮಾರುಕಟ್ಟೆ ಸಂಕಷ್ಟ ಸ್ಥಿತಿಯಲ್ಲಿರುವಾಗಲೇ ಕಡಿಮೆ ಮಾರಾಟ ದಾಖಲಿಸಿದ್ದ ಪ್ರಮುಖ ಕಾರು ತಯಾರಿಕೆ ಕಂಪೆನಿ ಮಾರುತಿ ಸುಝುಕಿ ಭರ್ಜರಿ ಆಫ‌ರ್‌ಗಳನ್ನು ಘೋಷಿಸಿದೆ. ಈ ಮೂಲಕ ಮಾರಾಟ ಹೆಚ್ಚಿಸಲು ಅದು ಮುಂದಾಗಿದೆ.

ಮಾರುತಿ ಸುಝುಕಿಯ ಹಲವು ಮಾಡೆಲ್‌ಗ‌ಳ ಮೇಲೆ ಈ ದರ ಕಡಿತ ಆಫ‌ರ್‌ ಅನ್ವಯವಾಗಲಿದೆ. ವಿತಾರಾ ಬ್ರೀಝಾಕ್ಕೆ 1.05 ಲಕ್ಷ ರೂ.ವರೆಗೆ, ಡಿಜೈರ್‌ಗೆ 90 ಸಾವಿರ ರೂ.ವರೆಗೆ, ಸ್ವಿಫ್ಟ್ ಗೆ 80 ಸಾವಿರ ರೂ.ವರೆಗೆ, ಆಲ್ಟೋ, ಆಲ್ಟೋಕೆ10ಗೆ 70 ಸಾವಿರ ರೂ.ವರೆಗೆ, ಸೆಲರಿಯೋಗೆ 70 ಸಾವಿರ ರೂ.ವರೆಗೆ, ಆಮ್ನಿಗೆ 35 ಸಾವಿರ ರೂ.ವರೆಗೆ, ವ್ಯಾಗನ್‌ಆರ್‌ಗೆ 25 ಸಾವಿರ ರೂ.ವರೆಗೆ ಇಕೋಗೆ 55 ಸಾವಿರ ರೂ.ವರೆಗೆ ದರ ಕಡಿತ ಘೋಷಿಸಲಾಗಿದೆ. ದೇಶಾದ್ಯಂತ ಮಾರುತಿ ಸುಝುಕಿ ಡೀಲರ್‌ಶಿಪ್‌ ಗಳಲ್ಲಿ ಈ ಆಫ‌ರ್‌ ಸಿಗಲಿದೆ. ಮುಂದಿನ ಹಬ್ಬದ ಸಮಯದಲ್ಲಿ ಮಾರುತಿ ಕಾರು ಮಾರಾಟ ಹೆಚ್ಚಳಕ್ಕೆ ಎದುರು ನೋಡುತ್ತಿದೆ.