ಬೆಂಗಳೂರು: ಪ್ಯಾನ್‌ ಇಂಡಿಯಾದಲ್ಲಿ ಈ ವಾರ ರಿಲೀಸ್‌ ಆಗಿರುವ ಆ್ಯಕ್ಷನ್ ಪ್ರಿನ್ಸ್‌ ಧ್ರುವ ಸರ್ಜಾ (Dhruva Sarja) ಅಭಿನಯದ ‘ಮಾರ್ಟಿನ್’ (Martin) ಸಿನಿಮಾಕ್ಕೆ ಭರ್ಜರಿ ರೆಸ್ಪಾನ್ಸ್‌ ವ್ಯಕ್ತವಾಗುತ್ತಿದೆ.
‘ಅದ್ಧೂರಿʼ ಬಳಿಕ ಧ್ರುವ ಸರ್ಜಾ ಅವರೊಂದಿಗೆ ಎಪಿ ಅರ್ಜುನ್ (Ap Arjun) ‘ಮಾರ್ಟಿನ್ʼ ಮಾಡಿದ್ದು ಪ್ಯಾನ್‌ ಇಂಡಿಯಾದಲ್ಲಿ ಸಿನಿಮಾ ಗ್ರ್ಯಾಂಡ್‌ ಆಗಿಯೇ ರಿಲೀಸ್‌ ಆಗಿದೆ.
ಮಂಡ್ಯ, ಮೈಸೂರು, ಹುಬ್ಬಳ್ಳಿ ಸೇರಿದಂತೆ ಉತ್ತರ ಕರ್ನಾಟಕದ ಭಾಗದಲ್ಲಿ ಸಿನಿಮಾ ಹೌಸ್‌ ಫುಲ್‌ ಪ್ರದರ್ಶನ ಕಾಣುತ್ತಿದೆ. ಕರ್ನಾಟಕ ಮಾತ್ರವಲ್ಲದೆ ದೇಶದೆಲ್ಲೆಡೆಯೂ ʼಮಾರ್ಟಿನ್ʼ ಹವಾ ಜೋರಾಗಿದೆ.
ಪಾಕಿಸ್ತಾನ ಸೇನೆಯಿಂದ ಬಂಧನಕ್ಕೊಳಗಾದ ಭಾರತೀಯನ ಕಥೆಯನ್ನು ಸಿನಿಮಾದಲ್ಲಿ ತೋರಿಸಲಾಗಿದೆ. ಬಂಧನಕ್ಕೊಳಗಾದವನಿಗೆ ತನ್ನ ಹಿನ್ನೆಲೆ ಏನು, ತಾನು ಯಾರು ಎನ್ನುವುದು ನೆನಪಿರುವುದಿಲ್ಲ. ಇದರ ಸುತ್ತವೆ ಸಾಗುವ ಸಿನಿಮಾದಲ್ಲಿ ಭರ್ಜರಿ ಫೈಟ್ ಸೀನ್‌ ಗಳನ್ನು ಇಡಲಾಗಿದೆ. ಧ್ರುವ ಸರ್ಜಾ ಅಭಿಮಾನಿಗಳು ಸಿನಿಮಾ ಶಿಳ್ಳೆ, ಚಪ್ಪಾಳೆ ಹೊಡೆದು ಸಿನಿಮಾಕ್ಕೆ ಜೈಕಾರ ಹಾಕಿದ್ದಾರೆ.
ಬಾಕ್ಸ್‌ ಆಫೀಸ್‌ ನಲ್ಲಿ ಸಿನಿಮಾ ಎರಡು ಗಳಿಸಿದ್ದೆಷ್ಟು ಎನ್ನುವುದರ ಬಗ್ಗೆ ಚಿತ್ರತಂಡವೇ ಮಾಹಿತಿ ನೀಡಿದೆ.
ಮೊದಲ ದಿನ ಕರ್ನಾಟಕದಲ್ಲಿ ಸಿನಿಮಾ 9.1 ಕೋಟಿ ರೂ. ಗ್ರಾಸ್ ಕಲೆಕ್ಷನ್ ಮಾಡಿತ್ತು. 2ನೇ ದಿನ 13.4 ಕೋಟಿ ರೂ. ಗಳಿಸಿದೆ. ಒಟ್ಟಿನಲ್ಲಿ ಎರಡು ದಿನದಲ್ಲಿ ʼಮಾರ್ಟಿನ್ʼ ಕರ್ನಾಟಕದಲ್ಲಿ 22.5 ಕೋಟಿ ರೂ. ಗ್ರಾಸ್ ಕಲೆಕ್ಷನ್ ಮಾಡಿದೆ ಎಂದು ಚಿತ್ರತಂಡ ಹೇಳಿದೆ.
ʼಮಾರ್ಟಿನ್ʼ ಗೆ ಬಾಲಿವುಡ್‌ನಿಂದ ʼಜಿಗ್ರಾʼ, ಕಾಲಿವುಡ್‌ ನಿಂದ ʼವೆಟ್ಟೈಯನ್‌ʼ ಸಿನಿಮಾಗಳು ಸಖತ್‌ ಪೈಪೋಟಿ ನೀಡಿದೆ.
ಸತ್ಯಾ ಹೆಗಡೆ ಛಾಯಾಗ್ರಹಣ, ರವಿಬಸ್ರೂರು ಮ್ಯೂಸಿಕ್‌ ಇರುವ ʼಮಾರ್ಟಿನ್ʼ ನಲ್ಲಿ ಧ್ರುವ ಸರ್ಜಾ ಜತೆ ಅನ್ವೇಶಿ ಜೈನ್, ವೈಭವಿ ಶಾಂಡಿಲ್ಯ, ನಾಥನ್ ಜೋನ್ಸ್, ಚಿಕ್ಕಣ್ಣ ಸೇರಿದಂತೆ ಅನೇಕರು ನಟಿಸಿದ್ದಾರೆ.
