Mangaluru ಗಾಂಜಾ ಸೇವನೆ: ಯುವಕನ ಬಂಧನ

ಮಂಗಳೂರು: ಗಾಂಜಾ ಸೇವನೆ ಮಾಡಿದ ಯುವಕನನ್ನು ನಗರದಲ್ಲಿ ಪೊಲೀಸರು ಬಂಧಿಸಿದ್ದಾರೆ.

ಕಂಕನಾಡಿ ಸೂಟರ್‌ಪೇಟೆಯ ಕೌಶಿಕ್‌ ಎಸ್‌. (22) ಬಂಧಿತ ಯುವಕ. ಮಂಗಳವಾರ ಬೆಳಗ್ಗೆ ನಗರದ ಸಿಟಿ ಸೆಂಟರ್‌ ಬಳಿ ತೂರಾಡುತ್ತಿದ್ದ ಕೌಶಿಕ್‌ನನ್ನು ಬಂದರು ಠಾಣೆಯ ಪೊಲೀಸರು ವಿಚಾರಿಸಿದಾಗ ಆತನ ಬಾಯಿಯಿಂದ ನಿಷೇಧಿತ ಮಾದಕ ವಸ್ತುವಾದ ಗಾಂಜಾ ವಾಸನೆ ಬರುತ್ತಿತ್ತು. ಆತ ಗಾಂಜಾ ಸೇವನೆ ಮಾಡಿರುವುದನ್ನು ಒಪ್ಪಿಕೊಂಡಿದ್ದಾನೆ. ಬಳಿಕ ಆತನನ್ನು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದಾಗ ಮಾದಕ ದ್ರವ್ಯ ಸೇವನೆ ಮಾಡಿರುವುದು ದೃಢಪಟ್ಟಿದೆ.