ಮಾ. 8: ತಿಂಗಳೆಯಲ್ಲಿ ಶ್ರೀನಿವಾಸ ಕಲ್ಯಾಣ, ಸಾಹಿತ್ಯೋತ್ಸವ

ಹೆಬ್ರಿ: ಹೆಬ್ರಿ ತಾಲೂಕಿನ ತಿಂಗಳೆಯಲ್ಲಿ ಧರ್ಮದೈವಗಳ ನೇಮ ಮಾ. 6, 7 ಮತ್ತು 8ರಂದು ನಡೆಯಲಿದೆ. ಮಾ. 8ರಂದು ಸಂಜೆ 4ರಿಂದ ಶ್ರೀನಿವಾಸ ಕಲ್ಯಾಣ ಹಾಗೂ 58ನೇ ವರ್ಷದ ಧರ್ಮ-ಕಲೆ-ಸಾಹಿತ್ಯೋತ್ಸವ ಜರಗಲಿದೆ.

ಸಂಜೆ 5ರಿಂದ ನಡೆಯುವ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಸಂಸದೆ ಶೋಭಾ ಕರಂದ್ಲಾಜೆ ವಹಿಸಲಿದ್ದು, ಗೌರಿಗದ್ದೆ ವಿನಯ ಗುರೂಜಿ ಉಪಸ್ಥಿತರಿರುತ್ತಾರೆ. ಈ ಬಾರಿ ತಿಂಗಳೆ ಪ್ರಶಸ್ತಿಯನ್ನು ಡಾ| ವೀಣಾ ಬನ್ನಂಜೆ ಅವರಿಗೆ ಪ್ರದಾನ ಮಾಡಲಿದ್ದು  ಮುಖ್ಯ ಅತಿಥಿಗಳಾಗಿ ಜಿ. ಶಂಕರ್‌ ಫ್ಯಾಮಿಲಿ ಟ್ರಸ್ಟ್‌ನ ಪ್ರವರ್ತಕ ಜಿ. ಶಂಕರ್‌, ಆಳ್ವಾಸ್‌ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಡಾ| ಮೋಹನ ಆಳ್ವ , ಉದ್ಯಮಿ  ಕೆ. ಪ್ರಕಾಶ್‌ ಶೆಟ್ಟಿ , ದ.ಕ. ಜಿ.ಕೇಂದ್ರ ಸಹಕಾರ ಬ್ಯಾಂಕ್‌ನ ಅಧ್ಯಕ್ಷ ಡಾ| ಎಂ.ಎನ್‌. ರಾಜೇಂದ್ರ ಕುಮಾರ್‌, ಶಾಸಕ  ಬಿ.ಎಂ. ಸುಕುಮಾರ ಶೆಟ್ಟಿ , ರೂಪಾಲಿ ನಾಯ್ಕ, ಯಶೋಧರ ನಾಯ್ಕ ಕೆ. ಮೊದಲಾದವರು ಭಾಗವಹಿಸಲಿದ್ದಾರೆ ಎಂದು ತಿಂಗಳೆ ವಿಕ್ರಮಾರ್ಜುನ ಹೆಗ್ಡೆ  ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.