ವಾಯುಪಡೆಯ ಫ್ಲೈಯಿಂಗ್ ಬ್ಯಾಚ್ ಗೆ ಮಂಗಳೂರಿನ ಮನೀಶಾ ಆಯ್ಕೆ

ಮಂಗಳೂರು: ಭಾರತೀಯ ವಾಯುಪಡೆಯ ಫ್ಲೈಯಿಂಗ್ ಬ್ಯಾಚ್ ಗೆ ಮಂಗಳೂರಿನ ನಿವಾಸಿ ಮನಿಶಾ ಆಯ್ಕೆಯಾಗಿದ್ದಾರೆ. ಜುಲೈ 9 ರಂದು ತರಬೇತಿಗಾಗಿ ಹೈದರಾಬಾದ್‌ಗೆ ತೆರಳಲಿದ್ದಾರೆ.

ಮನಿಷಾ ಅವರ ತಂದೆ ಮನೋಹರ್ ಶೆಟ್ಟಿ ಎಸ್‌ಬಿಐನ ನಿವೃತ್ತ ಅಧಿಕಾರಿ ಮತ್ತು ತಾಯಿ ಮಾಲತಿ ಶೆಟ್ಟಿ ಸರ್ಕಾರಿ ಶಾಲೆಯ ಮುಖ್ಯೋಪಾಧ್ಯಾಯಿನಿ. ಅವರ ಕುಟುಂಬ ಮಂಗಳೂರಿನ ಅಶೋಕನಗರದಲ್ಲಿ ನೆಲೆಸಿದೆ.

ಮನೀಶಾ ಬೆಂಗಳೂರಿನ ಎಂ. ಎಸ್. ರಾಮಯ್ಯ ಕಾಲೇಜಿನಲ್ಲಿ ಬಿಇ ಮುಗಿಸಿ ಮರ್ಸಿಡಿಸ್‌ನಲ್ಲಿ ಕೆಲಸ ಮಾಡುತ್ತಿದ್ದರು. ಅವರು ಮೊದಲು ಸೇನೆ ಮತ್ತು ನೌಕಾಪಡೆಗೆ ಆಯ್ಕೆಯಾಗಿದ್ದರಾದರೂ, ವಾಯುಪಡೆಯ ಪೈಲಟ್ ಆಗಲು ಬಯಸಿದ್ದರಿಂದ ಅವರು ಸೇರ್ಪಡೆಯಾಗಿರಲಿಲ್ಲ.