ಮಣಿಪಾಲ-ಪರ್ಕಳ  ರಾ.ಹೆ. ಕಾಮಗಾರಿಗೆ ಚಾಲನೆ: ಹರ್ಷ

ಉಡುಪಿ: ಮಣಿಪಾಲ- ಪರ್ಕಳ ರಾಷ್ಟ್ರೀಯ ಹೆದ್ದಾರಿ ದುರಸ್ತಿಗೊಳಿಸಲು ಸಾರ್ವಜನಿಕರು ಅಧಿಕಾರಿಗಳಿಗೆ ಮನವಿ ಸಲ್ಲಿಸಿದ್ದು, ಸಂಘ ಸಂಸ್ಥೆಗಳ ಜತೆಗೂಡಿ ಅನೇಕ ಪ್ರತಿಭಟನೆಯನ್ನೂ ನಡೆಸಲಾಗಿದೆ. ಸ್ಪಂದಿಸಿದ ಅಧಿಕಾರಿಗಳು ಕಾಂಕ್ರೀಟೀಕೃತ ರಸ್ತೆ ಕಾಮಗಾರಿಗೆ ಇದೀಗ ಚಾಲನೆ ನೀಡಿದ್ದಾರೆ. 

ಈ ಬಗ್ಗೆ ಉಡುಪಿ ಜಿಲ್ಲಾ ನಾಗರಿಕ ಸಮಿತಿ, ಮಣಿಪಾಲ ಮತ್ತು ಪರ್ಕಳ ಆಟೋ ಯೂನಿಯನ್‌, ಮಣಿಪಾಲ ಟ್ಯಾಕ್ಸಿ ಟೂರಿಸ್ಟ್‌ ಚಾಲಕ- ಮಾಲಕರು ಸಾರ್ವಜನಿಕರು ಹರ್ಷ ವ್ಯಕ್ತಪಡಿಸಿದ್ದಾರೆ.