Mangaluru: ಹಣಕ್ಕಾಗಿ ವ್ಯಕ್ತಿಯ ಅಪಹರಣ… ಕಾರಿನಲ್ಲಿ ಬಂದು ಕೃತ್ಯ

ಮಂಗಳೂರು: ಕೇರಳ ಮೂಲದ ವ್ಯಕ್ತಿಯೋರ್ವನನ್ನು ಮಂಗಳೂರು ನಗರದಲ್ಲಿ ಅಪಹರಿಸಿರುವ ಬಗ್ಗೆ ಪೊಲೀಸರಿಗೆ ದೂರು ನೀಡಲಾಗಿದೆ.

ಶರತ್ ಬಾಬು ಅಪಹರಣಕ್ಕೊಳಗಾದವರು. ಇವರು ನರ್ಸಿಂಗ್ ಕಾಲೇಜುಗಳಲ್ಲಿ ಸೀಟು ತೆಗೆಸಿಕೊಡುವ ವ್ಯವಹಾರ ನಡೆಸುತ್ತಿದ್ದರು ಎನ್ನಲಾಗಿದ್ದು. ಅದರಂತೆ ಕೇರಳದ ಓರ್ವರಿಗೆ ಬೆಂಗಳೂರಿನ ಕಾಲೇಜಿನಲ್ಲಿ ಸೀಟು ಕೊಡಿಸಲು 9 ಲ.ರೂ ಪಡೆದುಕೊಂಡಿದ್ದರು. ಅದರಲ್ಲಿ ಕಾಲೇಜಿಗೆ ಎರಡು ಲ.ರೂ ನೀಡಿ ಉಳಿದ ಹಣವನ್ನು ತನ್ನಲ್ಲೆ ಇಟ್ಟುಕೊಂಡಿದ್ದರು. ಇದೇ ಕಾರಣಕ್ಕೆ ಹಣ ಕೊಟ್ಟವರು ಹಲವು ಬಾರಿ ಬೆದರಿಸಿದ್ದರು. ಅವರೇ ಅಪಹರಣ ನಡೆಸಿದ್ದಾರೆಂದು ದೂರಲಾಗಿದೆ.

ಕಳೆದ ಮಂಗಳವಾರ (ಆಗಸ್ಟ್ 6) ಸಂಜೆ ಶರತ್ ಬಾಬು ನಗರದ ಪಿವಿ ಎಸ್ ಬಳಿ ಸ್ನೇಹಿತನ ಜತೆ ಇದ್ದಾಗ ಕಾರಿನಲ್ಲಿ ಬಂದಿದ್ದ ಇಬ್ಬರು ಬಲವಂತವಾಗಿ ಕರೆದೊಯ್ದಿದ್ದಾರೆ ಎಂದು ಹೇಳಲಾಗಿದ್ದು.

ಕದ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: Dandeli: ಗಾಂಧಿನಗರದಲ್ಲಿ ಕುಸಿದ ಕಿರು ಸೇತುವೆ : ಹೂತು ಹೋದ ಟಿಪ್ಪರ್