Advertisement
ಇತ್ತೀಚೆಗೆ ನಡೆದ ರನ್‌ವೇ ರಿಕಾಪೆìಟಿಂಗ್‌ ಕಾಮಗಾರಿ ವೇಳೆ ಲೈಟ್‌ ಅಳವಡಿಕೆಗೆ ಸಂಬಂಧಿಸಿದಂತೆ ಅವಕಾಶ ಮಾಡಿಕೊಡಲಾಗಿತ್ತು. ಇದೀಗ ಕಾಮಗಾರಿ ಆರಂಭವಾಗಿದ್ದು, 2024ರ ಮಾರ್ಚ್‌ ವೇಳೆಗೆ ಕಾಮಗಾರಿ ಮುಗಿಯಲಿದೆ. ಒಟ್ಟು 160 ಸೆಂಟರ್‌ಲೈಟ್‌ಗಳು ಅಳವಡಿಕೆಯಾಗಲಿದೆ. ಇದೇ ವೇಳೆ ಮುಖ್ಯ ಮತ್ತು ಸ್ಟ್ಯಾಂಡ್ ಬೈ ಸರ್ಕಿಟ್‌ ಜತೆಗೆ ಸಂಪರ್ಕ ಕಲ್ಪಿಸುವ ನಿಟ್ಟಿನಲ್ಲಿ ರನ್‌ವೇಯ ಎರಡೂ ಭಾಗದಲ್ಲಿ ಕೇಬಲ್‌ ಡಕ್ಟ್ ಗಳನ್ನು ನಿರ್ಮಿಸಲಾಗುತ್ತಿದೆ.
ರನ್‌ವೇಯ ಎರಡೂ ಬದಿಯಲ್ಲಿ ಮತ್ತು ರನ್‌ವೇ ಒಟ್ಟು ವ್ಯಾಪ್ತಿಗೆ ಸಂಬಂಧಿಸಿದಂತೆ ಈಗಾಗಲೇ ಲೈಟ್‌ಗಳನ್ನು ಅಳವಡಿಸಲಾಗಿದ್ದು, ಅವುಗಳಿಗೆ ಪೂರಕವಾಗಿ ಮಧ್ಯದಲ್ಲಿ ಸೆಂಟರ್‌ ಲೈಟ್‌ಗಳನ್ನು ಅಳವಡಿಸಲಾಗುತ್ತಿದೆ. ಇವು ಹೆದ್ದಾರಿಗಳಲ್ಲಿ ಅಳವಡಿಸಲಾಗುವ ಕ್ಯಾಟ್‌ ಐ ಮಾದರಿಯದ್ದಾಗಿದೆ.