ಮಂಗಳೂರು: ಗಾಂಜಾ ಸೇವನೆ…ಇಬ್ಬರು ಪೊಲೀಸರ ವಶಕ್ಕೆ

ಮಂಗಳೂರು: ಮಾದಕ ವಸ್ತು ಗಾಂಜಾ ಸೇವನೆ ಮಾಡುತ್ತಿದ್ದ ಇಬ್ಬರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಕಾವೂರು ಪೊಲೀಸರು ಫೆ. 18ರಂದು ಮಧ್ಯಾಹ್ನ ರೌಂಡ್ಸ್‌ನಲ್ಲಿದ್ದಾಗ ಕಾವೂರು ಗಾಂಧಿನಗರ ಮಲ್ಲಿ ಲೇ ಔಟ್‌ ಬಳಿ ಗಾಂಜಾ ಸೇವನೆ ಮಾಡುತ್ತಿದ್ದ ಪ್ರವೀಣ್‌ (26)ನನ್ನು ಬಂಧಿಸಿದ್ದಾರೆ.

ಮತ್ತೂಂದು ಪ್ರಕರಣದಲ್ಲಿ ಮಂಗಳೂರು ದಕ್ಷಿಣ ಠಾಣಾ ಪೊಲೀಸರು ಫೆ. 18ರಂದು ರಾತ್ರಿ ರೌಂಡ್ಸ್‌ನಲ್ಲಿದ್ದಾಗ ನಗರದ ಓಲ್ಡ್‌ ಕೆಂಟ್‌ ರಸ್ತೆಯ ಪರಿಸರದಲ್ಲಿ ಗಾಂಜಾ ಸೇವನೆ ಮಾಡುತ್ತಿದ್ದ ಅಲ್ತಾಫ್ (25)ನನ್ನು ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.