Sri Krishnadevaraya ವಿ.ವಿ.ಗೆ ಮಂಗಳಮುಖಿ ಅತಿಥಿ ಉಪನ್ಯಾಸಕಿ; ರಾಜ್ಯದಲ್ಲೇ ಮೊದಲು

ಬಳ್ಳಾರಿ: ಇಲ್ಲಿನ ವಿಜಯನಗರ ಶ್ರೀಕೃಷ್ಣದೇವರಾಯ ವಿಶ್ವವಿದ್ಯಾನಿಲಯದ ನಂದಿಹಳ್ಳಿ ಸ್ನಾತಕೋತ್ತರ ಕೇಂದ್ರದಲ್ಲಿ ಮಂಗಳಮುಖಿಯೊಬ್ಬರು ಅತಿಥಿ ಉಪನ್ಯಾಸಕರಾಗಿ ನೇಮಕವಾಗುವ ಮೂಲಕ ಗಮನ ಸೆಳೆದಿದ್ದಾರೆ.

ಮಂಗಳಮುಖಿಯೊಬ್ಬರು ವಿ.ವಿ.ಗೆ ಉಪನ್ಯಾಸಕರಾಗಿರುವುದು ರಾಜ್ಯದಲ್ಲಿ ಇದೇ ಮೊದಲು ಎನ್ನುವುದು ವಿಶೇಷ.

ಜಿಲ್ಲೆಯ ಕುರುಗೋಡಿನ ರೇಣುಕಾ ಪೂಜಾರಿ (ಮಲ್ಲೇಶ್‌ ಕೆ. ಮೊದಲ ಹೆಸರು) ವಿಎಸ್‌ಕೆ ವಿ.ವಿ.ಯಲ್ಲಿ ಅತಿಥಿ ಉಪನ್ಯಾಸಕಿಯಾಗಿದ್ದಾರೆ.

ಕುರುಗೋಡು ಪದವಿ ಕಾಲೇಜಿನಲ್ಲಿ ಪದವಿ ವ್ಯಾಸಂಗ ಮಾಡಿರುವ ರೇಣುಕಾ, ವಿಎಸ್‌ಕೆ ವಿ.ವಿ. ಕ್ಯಾಂಪಸ್‌ನಲ್ಲೇ ಎಂಎ ಕನ್ನಡ ವ್ಯಾಸಂಗವನ್ನೂ ಪೂರ್ಣಗೊಳಿಸಿದ್ದಾರೆ.