ಮಂಡ್ಯ: ಸಾಹಿತ್ಯ ಸಮ್ಮೇಳನದ ಅಕ್ಷರ ಜಾತ್ರೆಯ ಊಟದ ಕೌಂಟರ್‌ನಲ್ಲಿ ಜನವೋ ಜನ. ಬಗೆ ಬಗೆಯ ಭೋಜನ ಸವಿಯಲು ಕಿರಿಯರಿಂದ ಹಿಡಿದು ಹಿರಿಯತನಕ ಸಾಲುಗಟ್ಟಿ ನಿಂತಿದ್ದರು. ಶಾಲಾ-ಕಾಲೇಜಿಗೆ ರಜೆ ನೀಡಿದ್ದ ಹಿನ್ನೆಲೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ವಿದ್ಯಾರ್ಥಿಗಳು, ಶಿಕ್ಷಕರು ಸೇರಿದಂತೆ ಮಂಡ್ಯದ ಸುತ್ತಮುತ್ತಲಿನ ಹಳ್ಳಿಗಳಿಂದ ಸಾಹಿತ್ಯಾಸಕ್ತರು ಸಮ್ಮೇಳನದತ್ತ ಹರಿದು ಬಂದರು.
Advertisement
ಇದರಿಂದಾಗಿ ಕೆಲವು ಕೌಂಟರ್‌ಗಳಲ್ಲಿ ಜನ ಕಿಕ್ಕಿರಿದು ನೂಕುನೂಗ್ಗಲು ಉಂಟಾಯಿತು. ಸಾರ್ವಜನಿಕರ ಸುಖ ಭೋಜನಕ್ಕಾಗಿ ಸುಮಾರು 100 ಕೌಂಟರ್ ತೆರೆಯಲಾಗಿತ್ತು. ಎಲ್ಲ ಊಟದ ಕೌಂಟರ್ಗಳು ಜನರಿಂದ ತುಂಬಿ ಗಿಜಿಗುಡುತ್ತಿದ್ದವು. ಸಂಜೆಯವರೆಗೂ ಹರಿದು ಬರುತ್ತಿದ್ದ ದೊಡ್ಡ ಸಂಖ್ಯೆಯ ಸಾಲನ್ನು ನಿಯಂತ್ರಣಕ್ಕೆ ತರಲು ಪೊಲೀಸರು, ಸ್ವಯಂ ಸೇವಕರು ಹರಸಾಹಸಪಟ್ಟರು. ಮೀಡಿಯಾ ಸೆಂಟರ್‌ನಲ್ಲಿಯೂ ಭೋಜನ ಸವಿಯಲು ಹಲವು ಸಂಖ್ಯೆಯಲ್ಲಿ ಕಿಕ್ಕಿರಿದಿದ್ದರು.
Related Articles
ಕನ್ನಡ ಸಾಹಿತ್ಯ ಸಮ್ಮೇಳನಕ್ಕೆ ಬರುವವರಿಗೆ ಶುಚಿ-ರುಚಿಯಾದ ಊಟೋಪಹಾರದ ವ್ಯವಸ್ಥೆ ಮಾಡಲಾಗಿತ್ತು. ಮಧ್ಯಾಹ್ನದ ಊಟಕ್ಕೆ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಸೇರಬಹುದು ಎಂಬ ಕಾರಣದಿಂದ ಯಾರಿಗೂ ಕೊರತೆ ಆಗದಂತೆ ಮತ್ತು ಎಷ್ಟೇ ಜನರು ಬಂದರೂ ಅವರನ್ನು ನಿಭಾಯಿಸಲು ಊಟದ ಕೌಂಟರ್ ಗಳು ಹಾಗೂ ಕುಡಿಯುವ ನೀರಿನ ವ್ಯವಸ್ಥೆ ಮಾಡಲಾಗಿತ್ತು.
Advertisement
ವಿಶೇಷ ಕೌಂಟರ್: 70 ವರ್ಷ ಮೇಲ್ಪಟ್ಟ ವಯೋವೃದ್ಧರಿಗೆ, ವಿಶೇಷಚೇತನರಿಗಾಗಿ 4 ವಿಶೇಷ ಕೌಂಟರ್‌ಗಳನ್ನು ತೆರೆಯಲಾಗಿತ್ತು. ಸಮ್ಮೇಳನ ನಡೆಯುವ ಜಾಗದಲ್ಲಿ ಸುಮಾರು 30 ಕ್ಕೂ ಹೆಚ್ಚು ನೀರಿನ ಕೇಂದ್ರಗಳಲ್ಲಿ ಕೈ ತೊಳೆಯಲು ಮತ್ತು ಕುಡಿಯುವ ನೀರಿನ ಪ್ರತ್ಯೇಕ ವ್ಯವಸ್ಥೆ ಮಾಡಲಾಗಿತ್ತು. ಇನ್ನು ಗಣ್ಯರು ಹಾಗೂ ಗಣ್ಯಾತಿಗಣ್ಯರಿಗಾಗಿ 40 ವಿಶೇಷ ಕೌಂಟರ್ ಮೂಲಕ ಆತಿಥ್ಯಕ್ಕೆ ಅವಕಾಶ ಕಲ್ಪಿಸಲಾಗಿತ್ತು.
ಸಾಹಿತ್ಯ ಸಮ್ಮೇಳನಕ್ಕೆ ಬರುವ ಸಾಹಿತ್ಯಾಸಕ್ತರು, ಸಾರ್ವಜನಿಕರು ಹಾಗೂ ಅತಿಥಿಗಳಿಗೆ ಅಡುಗೆ ತಯಾರಿಸಲು 400 ಬಾಣಸಿಗರಿದ್ದು ಬಗೆ ಸಹಿ ಹಾಗೂ ಖಾರದ ಖಾದ್ಯಗಳ ವಿಶೇಷ ಭೋಜನ ತಯಾರಿಸಿದರು. ಉತ್ತರ ಕರ್ನಾಟಕ, ಮೈಸೂರು, ಬೆಂಗಳೂರು, ಮಂಡ್ಯ ಭಾಗದಿಂದಲೂ ನೂರಾರು ಸಂಖ್ಯೆಯಲ್ಲಿ ಬಾಣಸಿಗರು ಆಗಮಿಸಿ ತಮ್ಮ ಕೈರುಚಿ ತೋರಿಸಿದರು. ದೊಡ್ಡ ಸವಾಲು
ಸಾಹಿತ್ಯ ಸಮ್ಮೇಳನದಲ್ಲಿ ಲಕ್ಷಾಂತರ ಅಡುಗೆ ತಯಾರಿಸುವುದು ದೊಡ್ಡ ಸವಾಲು, ಆದರೂ ಎಲ್ಲರೂ ಒಗ್ಗೂಡಿ ಕನ್ನಡದ ಹಬ್ಬಕ್ಕೆ ವಿಶೇಷ ಖಾದ್ಯಗಳನ್ನು ತಯಾರಿಸಲಾಗಿದೆ. ನಿತ್ಯ ಮೆನು ಪ್ರಕಾರ ವಿಧ ವಿಧದ ಖಾದ್ಯಗಳು ಸಿದ್ಧವಾಗಲಿವೆ.
●ಸಂಜೀವಪ್ಪ ಬಾಣಸಿಗ, ಕುಂದಾಪುರ *ರಘ ಕೆ.ಜಿ