ಲಾ ಪಜ್: ವಿಶೇಷ ಕಾರಣಕ್ಕಾಗಿ ವಿಡಿಯೋವೊಂದು ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಒಬ್ಬ ವ್ಯಕ್ತಿ 45 ವರ್ಷಗಳ ನಂತರ ತನ್ನ ಮಾಜಿ ದಾದಿಯನ್ನು ಭೇಟಿಯಾಗಲು ಸ್ಪೇನ್‌ ನಿಂದ ಬೊಲಿವಿಯಾಕ್ಕೆ ಪ್ರಯಾಣಿಸಿದ್ದಾನೆ. ಅವರು ತಮ್ಮ ಸಂಪೂರ್ಣ ಪ್ರಯಾಣವನ್ನು ರೆಕಾರ್ಡ್ ಮಾಡಿದ್ದು, ಸಾಮಾಜಿಕ ಮಾಧ್ಯಮದಲ್ಲಿ ವೀಡಿಯೊ ಮಾಂಟೇಜ್ ಹಂಚಿಕೊಂಡಿದ್ದಾರೆ.
ಗುಡ್‌ನ್ಯೂಸ್ ಮೂವ್‌ಮೆಂಟ್ ಟ್ವಿಟರ್ ಹ್ಯಾಂಡಲ್‌ ನಲ್ಲಿ ಈ ವಿಡಿಯೋ ಹಂಚಿಕೊಂಡಿದೆ. ಈತ ಅಂಬೆಗಾಲಿಡುತ್ತಿರುವಾಗ ತನ್ನನ್ನು ನೋಡಿಕೊಳ್ಳುತ್ತಿದ್ದ ತನ್ನ ಹಿಂದಿನ ದಾದಿಯನ್ನು ಹೇಗೆ ಪತ್ತೆಹಚ್ಚಿದನು ಎಂಬುದನ್ನು ಇದು ತೋರಿಸುತ್ತದೆ. ದಾದಿ ಅನಾ ಅವನನ್ನು ತನ್ನ ಸ್ವಂತ ಮಗುವಿನಂತೆ ನೋಡಿಕೊಂಡಿದ್ದಳು, ಹೀಗಾಗಿ ಹಲವು ವರ್ಷಗಳ ಬಳಿಕ ಆಕೆಯನ್ನು ನೋಡಲು ಬೊಲಿವಿಯಾಕ್ಕೆ ಬಂದಿದ್ದಾನೆ.
ಇದನ್ನೂ ಓದಿ:ಒಂದೇ ಪಂದ್ಯದಲ್ಲಿ ಎರಡೆರಡು ದಾಖಲೆ ಮುರಿದ ಸೂರ್ಯಕುಮಾರ್ ಯಾದವ್
“45 ವರ್ಷಗಳ ನಂತರ ಈ ಮನುಷ್ಯನು ತನ್ನ ಹಿಂದಿನ ದಾದಿ ಅನಾರನ್ನು ಹುಡುಕಿದ್ದಾನೆ. ಈ ಮಹಿಳೆ ಬಾಲ್ಯದಲ್ಲಿ ಅವನನ್ನು ತನ್ನ ಸ್ವಂತ ಮಗನಂತೆ ನೋಡಿಕೊಂಡಿದ್ದರು”ಎಂದು ವೀಡಿಯೊ ಕ್ಯಾಪ್ಶನ್ ಹಾಕಲಾಗಿದೆ.
ಆತನನ್ನು 45 ವರ್ಷಗಳ ಬಳಿಕ ಕಂಡ ಅನಾ ಭಾವುಕರಾದರು. ಈ ಭಾವುಕ ಕ್ಷಣಗಳ ವಿಡಿಯೋ ಇಲ್ಲಿದೆ.
