Belthangady ರಸ್ತೆ ಅಪಘಾತದಲ್ಲಿ ಗಾಯಗೊಂಡಿದ್ದ ವ್ಯಕ್ತಿ ಸಾವು

ಬೆಳ್ತಂಗಡಿ: ಗೇರುಕಟ್ಟೆ ಸಮೀಪದ ರೇಷ್ಮೆ ರೋಡ್‌ ಬಳಿ ಮಹೀಂದ್ರ ಬೊಲೆರೋ ಮತ್ತು ಬೈಕ್‌ ನಡುವೆ ಅಪಘಾತ ಸಂಭವಿಸಿ ಗಂಭೀರವಾಗಿ ಗಾಯಗೊಂಡಿದ್ದ ಪಣೆಜಾಲು ನಿವಾಸಿ ಪ್ರಮೋದ್‌ ಶೆಟ್ಟಿ (45) ಆಸ್ಪತ್ರೆಯಲ್ಲಿ ಮೃತಪಟ್ಟ ಘಟನೆ ನಡೆದಿದೆ.

ಆ. 17ರಂದು ಸಂಜೆ ಗೇರುಕಟ್ಟೆ ಯಿಂದ ಗುರುವಾಯನಕೆರೆ ಕಡೆಗೆ ಹೋಗುವ ಮಾರ್ಗದ ಕಳಿಯ ಗ್ರಾಮದ ರೇಷ್ಮೆ ರೋಡ್‌ ಬಳಿ ಗುರುವಾ ಯನಕೆರೆ ಕಡೆಯಿಂದ ಉಪ್ಪಿನಂಗಡಿ ಕಡೆಗೆ ಹೋಗುವ ಬೊಲೆರೋ ವಾಹನಕ್ಕೆ ಮುಂಭಾಗದಿಂದ ಬರುತ್ತಿದ್ದ ನೋಂದಣಿಯಾಗದ ಹೊಸ ಬೈಕ್‌ ಢಿಕ್ಕಿಯಾಗಿತ್ತು. ಅಪಘಾತದಲ್ಲಿ ಬೈಕ್‌ ಸವಾರರಾಗಿದ್ದ ಪಣೆಜಾಲು ಅಮರ್‌ ಜಾಲು ನಿವಾಸಿ ಶಿವ ಮತ್ತು ಹಿಂಬದಿ ಸವಾರರಾಗಿದ್ದ ಪಣೆಜಾಲು ನಿವಾಸಿ, ಗಾರೆ ಕಾರ್ಮಿಕ ಪ್ರಮೋದ್‌ ಶೆಟ್ಟಿ ಗಂಭೀರವಾಗಿ ಗಾಯ ಗೊಂಡಿದ್ದರು.

ಈ ಪೈಕಿ ಶಿವ ಆಸ್ಪತ್ರೆಯಲ್ಲಿ ಚೇತರಿಸಿಕೊಂಡಿದ್ದಾರೆ. ಗಂಭೀರ ಗಾಯಗೊಂಡು ಮಂಗಳೂರು ಆಸ್ಪತ್ರೆ ಯಲ್ಲಿ ದಾಖಲಾಗಿದ್ದ ಪ್ರಮೋದ್‌ ಶೆಟ್ಟಿ ಅವರು ಆ. 19ರಂದು ಮೃತಪಟ್ಟಿದ್ದಾರೆ. ಅಪಘಾತದಿಂದಾಗಿ ಬೊಲೆರೋ ವಾಹನದ ಬಲಭಾಗ ಜಖಂಗೊಂಡಿದೆ. ಬೊಲೆರೋ ಚಲಾಯಿಸುತ್ತಿದ್ದ ಉರು ವಾಲು ಗ್ರಾಮದ ಸಂತೋಷ್‌ ನೀಡಿದ ದೂರಿನಂತೆ ಬೆಳ್ತಂಗಡಿ ಸಂಚಾರಿ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.