ಮಲ್ಪೆ  ರಾಜ್‌ ಫಿಶ್‌ಮೀಲ್‌: 550 ವಿವಿಧ ಜಾತಿಯ ಸಸಿ ವಿತರಣೆ

ಮಲ್ಪೆ: ವಿಶ್ವ ಪರಿಸರ ದಿನಾಚರಣೆಯ ಅಂಗವಾಗಿ ಮಲ್ಪೆ ರಾಜ್‌ ಫಿಶ್‌ಮೀಲ್‌ ಆ್ಯಂಡ್‌ ಆಯಿಲ್‌ ಕಂಪೆನಿಯ ವತಿಯಿಂದ ಸುಮಾರು 550 ವಿವಿಧ ಜಾತಿಯ ಸಸಿ ವಿತರಣಾ ಕಾರ್ಯಕ್ರಮವು ಜು. 12 ರಂದು ಜರಗಿತು.

ರಾಜ್‌ ಫಿಶ್‌ಮೀಲ್‌ ಆ್ಯಂಡ್‌ ಆಯಿಲ್‌ ಕಂಪೆನಿಯ ಪಾಲುದಾರ ಸುಪ್ರಿಯ ಪ್ರಮೋದ್‌ ಮಧ್ವರಾಜ್‌ ಅವರು ಸಸಿಗಳನ್ನು ವಿತರಿಸಿ ಮಾತನಾಡಿ ಪ್ರಪಂಚದ ಎಲ್ಲ ಕಡೆ ಪರಿಸರ ನಾಶದ ಕೆಲಸವಾಗುತ್ತಿದೆ. ಸಸಿಗಳನ್ನು ತೆಗೆದು ಕೊಂಡ ಪ್ರತಿಯೊಬ್ಬರು ತಮ್ಮ ತಮ್ಮ ಮನೆಯ ಹತ್ತಿರ ಸಸಿಗಳನ್ನು ನೆಡಬೇಕು, ಅದನ್ನು ಬೆಳಸಬೇಕು ಮತ್ತು ಅದನ್ನು ರಕ್ಷಣೆ ಮಾಡುವ ಮನೋಭಾವವನ್ನು ಬೆಳಸಿಕೊಳ್ಳಬೇಕು ಆವಾಗ ಮಾತ್ರ ನಮ್ಮ ಪರಿಸರ ಸಂರಕ್ಷಣೆ ಸಾಧ್ಯ ಎಂದರು.

ಈ ಸಂದರ್ಭದಲ್ಲಿ ಸಂಸ್ಥೆಯ ಉದೋÂಗಿಗಳಾದ  ಸಂತೋಷ್‌ ಸಾಲ್ಯಾನ್‌, ಜನಾರ್ದನ ಜಿ. ಕೋಟ್ಯಾನ್‌, ಹರೀಶ್‌ ನಾಯಕ್‌, ಭಾಸ್ಕರ್‌ ಜತ್ತನ್ನ, ಜಯ ಕುಂದರ್‌, ಆಸ್ಟಿನ್‌ ಪಾಂಗ್ಲನ್ನ, ವಾಮನ ಕುಂದರ್‌, ರತ್ನಾಕರ ಸಾಲ್ಯಾನ್‌, ಸಂತೋಷ್‌ ಶೆಟ್ಟಿ ಮೊದಲಾದವರು ಪಾಲ್ಗೊಂಡಿದ್ದರು.