ಮುಂಬಯಿ: ಸೆಲೆಬ್ರಿಟಿಗಳು ಸದಾ ಒಂದಲ್ಲ ಒಂದು ಕಾರಣಕ್ಕೆ ಚರ್ಚೆಯಲ್ಲಿರುತ್ತಾರೆ. ಬಾಲಿವುಡ್‌ ನಲ್ಲಿ ಸೆಲೆಬ್ರಿಟಿಗಳ ದಿನನಿತ್ಯದ ಚಟುವಟಿಕೆ ಹಾಗೂ ಗಾಸಿಪ್‌ ಗಳನ್ನು ಪತ್ತೆ ಹಚ್ಚಲು ಪಾಪರಾಜಿಗಳಿರುತ್ತಾರೆ. ಎಕ್ಸ್‌ ಕ್ಲೋಸಿವ್‌ ಫೋಟೋ, ವಿಡಿಯೋಸ್‌, ಸುದ್ದಿಗಳನ್ನು ಪಾಪರಾಜಿ ಕವರ್‌ ಮಾಡುತ್ತಾರೆ.
ಎಷ್ಟೋ ಸಲಿ ಪಾಪರಾಜಿಗಳಿಗೆ ಕೆಮರಾ ಕಣ್ಣಿನಲ್ಲಿ ಬೇರೆ ಬೇರೆ ವಿಚಾರಗಳು ಸೆರೆಯಾಗುತ್ತದೆ. ಇಂಥದ್ದೇ ಒಂದು ಅನಿರೀಕ್ಷಿತ ಸನ್ನಿವೇಶ ಮಲೈಕಾ ಆರೋರಾ ಅವರ ಬಗ್ಗೆ ಪಾಪರಾಜಿಗಳು ಸೆರೆ ಹಿಡಿದಿರುವ ವಿಡಿಯೋ ವೈರಲ್ ಆಗಿದೆ.
ಸೆಲೆಬ್ರಿಟಿಗಳು ಪಾರ್ಟಿಗಳಲ್ಲಿ ಪಾಲ್ಗೊಳ್ಳುವುದು ಸಾಮಾನ್ಯ ಬಾಲಿವುಡ್‌ ನ ಮುನ್ನಿ, ನಟಿ ಮಲೈಕಾ ಆರೋರಾ ಇತ್ತೀಚೆಗೆ ಪಾರ್ಟಿಯೊಂದರಲ್ಲಿ ಭಾಗಿಯಾಗಿದ್ದಾರೆ. ಪಾರ್ಟಿಯಲ್ಲಿ ನಿರ್ಮಾಪಕ ರಿತೇಶ್ ಸಿಧ್ವಾನಿ ತನ್ನ ಪತ್ನಿ ಡಾಲಿಯೊಂದಿಗೆ ಭಾಗಿಯಾಗಿದ್ದಾರೆ. ಪಾರ್ಟಿಯಿಂದ ಹೊರಬರುವ ವೇಳೆ ಫೋನ್‌ ಕಾಲ್‌ ನಲ್ಲಿ ರಿತೇಶ್ ಸಿಧ್ವಾನಿ ಬ್ಯುಸಿಯಾಗಿದ್ದಾರೆ. ರಿತೇಶ್ ಸಿಧ್ವಾನಿ ಅವರ ಹಿಂದೆ ಅದೇ ಪಾರ್ಟಿಯಲ್ಲಿ ಭಾಗಿಯಾಗಿದ್ದ ಮಲೈಕಾ ಅವರು ವಾಪಾಸ್‌ ಆಗಿದ್ದಾರೆ. ಫೋನಿನಲ್ಲಿದ್ದ ರಿತೇಶ್ ಸಿಧ್ವಾನಿ ತನ್ನ ಪತ್ನಿಯ ಕೈ ಹಿಡಿಯುವ ಬದಲು, ತನ್ನ ಪತ್ನಿ ಡಾಲಿಯ ಕೈಯೆಂದುಕೊಂಡು ಮಲೈಕಾ ಅವರ ಕೈಯನ್ನು ಹಿಡಿದು ಸ್ವಲ್ಪ ಮುಂದಕ್ಕೆ ಬಂದಿದ್ದಾರೆ.
ಈ ಕಸಿವಿಸಿ ಸ್ಥಿತಿಯನ್ನರಿತ ಮಲೈಕಾ ಮುಜುಗರಕ್ಕೆ ಒಳಗಾಗಿದ್ದಾರೆ. ಕೂಡಲೇ ರಿತೇಶ್ ಸಿಧ್ವಾನಿ ಅವರಿಗೆ ಇದು ತನ್ನ ಪತ್ನಿಯಲ್ಲ ಎನ್ನುವುದು ಗೊತ್ತಾಗಿದೆ. ಆ ಬಳಿಕ ತನ್ನ ಪತ್ನಿಯ ಕೈ ಹಿಡಿದು ಪಾರ್ಟಿಯಿಂದ ಹೊರ ಬಂದಿದ್ದಾರೆ.
ಈ ಸಂದರ್ಭದಲ್ಲಿ ಅಲ್ಲೇ ನೆರೆದಿದ್ದ ಪಾಪರಾಜಿಗಳು ಈ ದೃಶ್ಯವನ್ನು ಸೆರೆ ಹಿಡಿದಿದ್ದಾರೆ. ಸದ್ಯ ಮಲೈಕಾ ಅವರ ಕಸಿವಿಸಿ ಹಾಗೂ ರಿತೇಶ್ ಸಿಧ್ವಾನಿ ಅನಿರೀಕ್ಷಿತ ನಡವಳಿಕೆ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಮಲೈಕಾ ಆರೋರಾ ಅರ್ಜುನ್‌ ಕಪೂರ್‌ ಅವರೊಂದಿಗೆ ಡೇಟಿಂಗ್‌ ನಲ್ಲಿದ್ದು, ಬಿಟೌನ್‌ ಜೋಡಿಯ ಪ್ರಣಯ ವಿಹಾರದ ವಿಚಾರ ಮದುವೆಗೂ ಬಂದು ತಲುಪಿದೆ.
