ಪ್ರೇಮವಿವಾಹಕ್ಕೆ ಒಪ್ಪಿಗೆ ಕಡ್ಡಾಯ ಮಾಡಿ:  ಬೇಡಿಕೆ ಇಟ್ಟ ಖಾಪ್‌

ಚಂಡೀಗಢ: ಹರಿಯಾಣದ “ಖಾಪ್‌ ಪಂಚಾಯತ್‌’ ರಾಜ್ಯ ಸರಕಾರಕ್ಕೆ ವೈವಾಹಿಕ ಸಂಬಂಧ ಕುರಿತು ಹಲವು ಬೇಡಿಕೆಗಳನ್ನು ಇಟ್ಟಿದ್ದು, ಅವು ಈಡೇರದೇ ಇದ್ದಲ್ಲಿ ಪ್ರತಿಭಟನೆ ನಡೆಸುವುದಾಗಿ ಎಚ್ಚರಿಸಿದೆ.

ಪ್ರೇಮವಿವಾಹಕ್ಕೆ ಪೋಷಕರ ಒಪ್ಪಿಗೆ ಕಡ್ಡಾಯಗೊಳಿಸುವ ಕಾನೂನು ಜಾರಿಗೆ ತರಬೇಕು. ಜತೆಗೆ ಲಿವ್‌-ಇನ್‌ ಸಂಬಂಧವನ್ನೂ ಕೊನೆಗೊಳಿಸಬೇಕು ಎಂದು ಬೇಡಿಕೆಯಿಟ್ಟಿರುವ ಖಾಪ್‌, ಲಿವ್‌-ಇನ್‌ ಸಂಬಂಧ ಸಮಾಜದ ಘನತೆಗೆ ಧಕ್ಕೆ ತರುವಂಥದ್ದು ಎಂದಿದೆ. ಇದಲ್ಲದೇ ಹೆಣ್ಣುಮಕ್ಕಳಿಗೆ ಮದುವೆಯ ವಯಸ್ಸನ್ನು 18ರಿಂದ 16ಕ್ಕೆ ಇಳಿಸಬೇಕು ಎಂದೂ ಬೇಡಿಕೆಯಿಟ್ಟಿದ್ದಾರೆ.  ಖಾಪ್‌ ಪಂಚಾಯತ್‌ ಮೊದಲಿನಿಂದಲೂ ಪ್ರೇಮ ವಿವಾಹವನ್ನು ವಿರೋಧಿಸುತ್ತಾ ಬಂದಿದೆ.