ಹರಾರೆ: ಬಾಂಗ್ಲಾದೇಶ ಕ್ರಿಕೆಟ್ ತಂಡ ಹಿರಿಯ ಆಟಗಾರ ಮೊಹಮದುಲ್ಲಾ ಟೆಸ್ಟ್ ಕ್ರಿಕೆಟ್ ಗೆ ದಿಢಿರನೇ ವಿದಾಯ ಹೇಳಿ ತಂಡದ ಆಟಗಾರರು ಸೇರಿ ಎಲ್ಲರಿಗೂ ಅಚ್ಚರಿ ಮೂಡಿಸಿದ್ದಾರೆ. ಅಜೇಯ ಶತಕ ಸಿಡಿಸಿದ ಬೆನ್ನಲ್ಲೇ ಮೊಹಮದುಲ್ಲಾ ವಿದಾಯದ ನಿರ್ಧಾರ ಮಾಡಿದ್ದಾರೆ.
ಇಲ್ಲಿನ ಸ್ಪೋರ್ಟ್ ಕ್ಲಬ್ ಅಂಗಳದಲ್ಲಿ ನಡೆಯುತ್ತಿರುವ ಏಕೈಕ ಟೆಸ್ಟ್ ಪಂದ್ಯದಲ್ಲಿ ಬಾಂಗ್ಲಾ ತಂಡವು ಜಿಂಬಾಬ್ವೆ ವಿರುದ್ಧ ಸೆಣಸುತ್ತಿದೆ. ಮೊದಲ ಇನ್ನಿಂಗ್ಸ್ ನಲ್ಲಿ ಬಾಂಗ್ಲಾದೇಶ ತಂಡ 468 ರನ್ ಗಳಿಸಿದೆ. ಅದರಲ್ಲೂ ಮೊಹಮದುಲ್ಲಾ ಅಜೇಯ 150 ರನ್ ಗಳಿಸಿದ್ದರು. ಇದು ಅವರ ಜೀವನಶ್ರೇಷ್ಠ ಗಳಿಕೆ.
ಇದನ್ನೂ ಓದಿ:ಕ್ಯಾಚ್ ಆಫ್ ದಿ ಸಮ್ಮರ್: ವಿಶ್ವ ಕ್ರಿಕೆಟ್ ನ ಬೆರಗು ಮೂಡಿಸಿದ ಹರ್ಲೀನ್ ಡಿಯೋಲ್ ಕ್ಯಾಚ್
ಈ ಇನ್ನಿಂಗ್ಸ್ ಬಳಿಕ ಮೊಹಮದುಲ್ಲಾ ತನ್ನ ಸಹ ಆಟಗಾರರ ಬಳಿ ವಿದಾಯದ ಬಗ್ಗೆ ಹೇಳಿಕೊಂಡಿದ್ದಾರೆ. ಇದೇ ನನ್ನ ಅಂತಿಮ ಟೆಸ್ಟ್ ಪಂದ್ಯ ಎಂದಿದ್ದಾರೆ.
ಈ ಬಗ್ಗೆ ಬಿಸಿಬಿ ವಕ್ತಾರರು ಖಚಿತಪಡಿಸಿದ್ದು, ಅವರು ಆಟಗಾರರ ಬಳಿ ಈ ರೀತಿ ಹೇಳಿಕೊಂಡಿದ್ದು ಹೌದು. ಆದರೆ ಇದುವರೆಗೆ ಅಧಿಕೃತವಾಗಿ ಬಿಸಿಬಿ ( ಬಾಂಗ್ಲಾ ಕ್ರಿಕೆಟ್ ಬೋರ್ಡ್) ಗೆ ಯಾವುದೇ ಮಾಹಿತಿ ನೀಡಿಲ್ಲಎಂದಿದ್ದಾರೆ
