Advertisement

ಮಗಳ ಶವ ಬರೋಬ್ಬರಿ 44 ದಿನ ಉಪ್ಪಿನಲ್ಲಿಟ್ಟ ತಂದೆ!

06:33 PM Sep 16, 2022 | Team Udayavani |

ಮುಂಬೈ: ಮಗಳ ಶವದ ಮರು ಮರಣೋತ್ತರ ಪರೀಕ್ಷೆಯಾಗಬೇಕೆಂದು ಪಟ್ಟು ಹಿಡಿದ ತಂದೆಯೊಬ್ಬರು, ಬರೋಬ್ಬರಿ 44 ದಿನಗಳ ಕಾಲ ಶವವನ್ನು ಉಪ್ಪಿನಲ್ಲಿಟ್ಟಿದ್ದ ಘಟನೆ ಮಹಾರಾಷ್ಟ್ರದ ನಂದೂರ್‌ಬಾರ್‌ ನಲ್ಲಿ ನಡೆದಿದೆ.

Advertisement

21 ವರ್ಷದ ದಲಿತ ಯುವತಿಯ ಶವ ವಾವಿ ಗ್ರಾಮದಲ್ಲಿ ಆ.1ರಂದು ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿತ್ತು. ಆಗ ಮರಣೋತ್ತರ ಪರೀಕ್ಷೆ ಮಾಡಲಾಗಿದ್ದು, ಯುವತಿಯದ್ದು ಆತ್ಮಹತ್ಯೆ ಎಂದು ಪ್ರಕರಣ ದಾಖಲಿಸಿಕೊಳ್ಳಲಾಗಿತ್ತು. ಆದರೆ ಮಗಳನ್ನು ನಾಲ್ವರು ಅತ್ಯಾಚಾರ ಮಾಡಿದ್ದರಿಂದ ಆಕೆ ಆತ್ಮಹತ್ಯೆಗೆ ಶರಣಾಗಿದ್ದಾಳೆ ಎಂದು ಕುಟುಂಬ ದೂರಿದೆ.

ಹೀಗಾಗಿ ಮೃತದೇಹದ ಅಂತ್ಯಸಂಸ್ಕಾರ ಮಾಡದೆಯೇ, ಉಪ್ಪು ತುಂಬಿದ ಗುಂಡಿಯೊಳಗೆ ಇಡಲಾಗಿದೆ. ಕುಟುಂಬದ ಒತ್ತಾಯದ ಮೇರೆಗೆ ಮೃತದೇಹದ ಮರು ಮರಣೋತ್ತರ ಪರೀಕ್ಷೆಗೆ ಪೊಲೀಸರು ಒಪ್ಪಿದ್ದು, ಶುಕ್ರವಾರ ಮತ್ತೊಮ್ಮೆ ಪರೀಕ್ಷೆ ಮಾಡಲಾಗಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next