ಮೊಸರು ಕುಡಿಕೆಗಿಲ್ಲ ಅವಕಾಶ

ಮುಂಬಯಿ: ಮಹಾರಾಷ್ಟ್ರದಲ್ಲಿ ಈ ವರ್ಷದ ಕೃಷ್ಣ ಜನ್ಮಾಷ್ಟಮಿಗೆ ಮೊಸರು ಕುಡಿಕೆ ಆಚರಣೆ ಮಾಡುವಂತಿಲ್ಲ ಎಂದು ಮುಖ್ಯಮಂತ್ರಿ ಉದ್ಧವ್‌ ಠಾಕ್ರೆ ಹೇಳಿದ್ದಾರೆ.

ರಾಜ್ಯದ ಮಂಡಲಗಳೊಂದಿಗೆ ಸೋಮವಾರ ಸಭೆ ನಡೆಸಿದ ಅವರು, “ಆರೋಗ್ಯ ಮುಖ್ಯ. ಮಾನವೀಯತೆಯನ್ನು ಗಮನದಲ್ಲಿರಿಸಿಕೊಂಡು ಹಬ್ಬ ನಿಲ್ಲಿಸಿ’ ಎಂದು ಮನವಿ ಮಾಡಿದ್ದಾರೆ. ಮೊಸರು ಕುಡಿಕೆ ಆಚರಣೆಗೆ ಈಗಾಗಲೇ ಅಭ್ಯಾಸ ಪ್ರಕ್ರಿಯೆ ಆರಂಭವಾಗಿರುವುದರಿಂದಾಗಿ ಸರಳವಾಗಿಯಾದರೂ ಆಚರಣೆಗೆ ಅವಕಾಶ ಮಾಡಿಕೊಡಬೇಕೆಂದು ಮಂಡಲಗಳು ಮತ್ತು ಗೋವಿಂದ ತಂಡಗಳು ಸರಕಾರಕ್ಕೆ ಮನವಿ ಮಾಡಿವೆ.

ಗಣೇಶ ಹಬ್ಬದ ಸರಳ ಆಚರಣೆಗೆ ಅನುಮತಿ ಕೊಟ್ಟ ಮೇಲೆ ಮೊಸರು ಕುಡಿಕೆಗೂ ಅವಕಾಶ ಕೊಡಲೇಬೇಕೆಂದು ದಹಿ ಹಂಡಿ ಸಮನ್ವಯ ಸಮಿತಿಯ ಸದಸ್ಯರು ಕೇಳಿದ್ದಾರೆ.