ಕಾಂಗ್ರೆಸ್‌ ರೋಡ್‌ ಶೋ ವೇಳೆ ಬಲೂನ್‌ ಸ್ಫೋಟ;ಬೆಚ್ಚಿ ಬಿದ್ದ ರಾಹುಲ್‌

ಜಬಲ್‌ಪುರ್‌: ವಿಧಾನಸಭಾ ಚುನಾವಣೆ ಕಾವು ಏರಿರುವ ಮಧ್ಯಪ್ರದೇಶದಲ್ಲಿ ಎಐಸಿಸಿ ಅಧ್ಯಕ್ಷ ರಾಹುಲ್‌ ಗಾಂಧಿ ಅವರ ಸನಿಹದಲ್ಲೆ ಬಲೂನುಗಳ ಗೊಂಚಲಿಗೆ ಬೆಂಕಿ ಹೊತ್ತಿಕೊಂಡು ಭಾರೀ ಸ್ಫೋಟ ನಡೆದಿದೆ. ಅದೃಷ್ಟವಷಾತ್‌ ಯಾರೊಬ್ಬರಿಗೂ ಗಾಯಗಳಾಗಿಲ್ಲ. 

ಶನಿವಾರ ರಾಹುಲ್‌ ಅವರು ತೆರದ ವಾಹನಲ್ಲಿ ಚುನಾವಣಾ ಪ್ರಚಾರ ನಡೆಸುತ್ತಿದ್ದ ವೇಳೆ ಕೈ ಕಾರ್ಯಕರ್ತರು ಬಲೂನ್‌ಗಳ ಗೊಂಚಲನ್ನು ಹಿಡಿದಿದ್ದರು. ಈ ವೇಳೆ ಆರತಿ ಬೆಳಗಲೆಂದು ಅಭಿಮಾನಿಯೊಬ್ಬರು ಬಂದಿದ್ದು ಬೆಂಕಿ ಬಲೂನ್‌ ಗೊಂಚಲಿಗೆ ತಗುಲಿ ಏಕಾಏಕಿ ಸ್ಫೋಟಗೊಂಡಿದೆ. 

ಒಮ್ಮೆಲೆ ಸ್ಫೋಟಗೊಂಡು ಕಾಣಿಸಿಕೊಂಡ ಬೆಂಕಿ ನೋಡಿ ರಾಹುಲ್‌ ಬೆಚ್ಚಿ ಬಿದ್ದರು. ಬಳಿಕ ಬಲೂನ್‌ ಸ್ಫೋಟ ಎಂದು ತಿಳಿದ ಬಳಿಕ ನಿರಾಳರಾದರು. 

ರಾಹುಲ್‌ ರೋಡ್‌ ಶೋ ವೇಳೆ ವ್ಯಾಪಕ ಕಟ್ಟೆಚ್ಚರ ವಹಿಸಲಾಗಿದೆ.