ಕೊಪ್ಪಳ: 20ಕ್ಕೂ ಹೆಚ್ಚು ಜನರಿಗೆ ಕಚ್ಚಿದ ಹುಚ್ಚುನಾಯಿ

ಕೊಪ್ಪಳ: ಇಲ್ಲಿನ ಕುವೆಂಪು ನಗರ ಹಾಗೂ ವಡ್ಡರ ಓಣಿಯಲ್ಲಿ 20ಕ್ಕೂ ಹೆಚ್ಚು ಜನರಿಗೆ ಹುಚ್ಚುನಾಯಿ ಕಡಿದು ಗಾಯಗೊಳಿಸಿದ ಘಟನೆ ಮಂಗಳವಾರ ಬೆಳಗ್ಗೆ ನಡೆದಿದೆ.

ಹುಚ್ಚು ನಾಯಿಯ ಹಾವಳಿಯಿಂದ ಸ್ಥಳೀಯ ಜನರು ಕಂಗಾಲಾಗಿದ್ದಾರೆ.

ಯಶವಂತ (5), ಚಂದ್ರಪ್ಪ (47), ಲಕ್ಷ್ಮಣ (28), ಗಂಗಮ್ಮ (25), ಹುಲಗಪ್ಪ( 48) ಅವರು ಗಂಭೀರವಾಗಿ ಗಾಯಗೊಂಡಿದ್ದಾರೆ.

ಹುಚ್ಚು ನಾಯಿ ಏಕಾಏಕಿ ದಾಳಿ ಮಾಡುತ್ತಿದ್ದು ಜನತೆ ಆತಂಕ ವ್ಯಕ್ತಪಡಿಸಿ ಹೊರಗಡೆ ಸುತ್ತಾಡಂತ ಸ್ಥಿತಿ ಎದುರಾಗಿದೆ.

ಗಾಯಾಳುಗಳು ಜಿಲ್ಲಾಸ್ಪತ್ರೆಯಲ್ಲಿ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಕೂಡಲೇ ಹುಚ್ಚನಾಯಿ ಹಿಡಿದು ಜನರ ರಕ್ಷಣೆ ಮಾಡುವಂತೆ ಒತ್ತಾಯ ಮಾಡಿದ್ದಾರೆ.