ಮಾಬುಕಳ ಸೇತುವೆ ಬಳಿ ದುರ್ನಾಥ..

ಬ್ರಹ್ಮಾವರ: ಮಾಬುಕಳ ಸೇತುವೆ ಬಳಿ ರಾ.ಹೆ.-66ರ ಬದಿ ತ್ಯಾಜ್ಯ ಎಸೆಯುವುದರಿಂದ ದುರ್ನಾತ ಬೀರುತ್ತಿದೆ.ಸುಮಾರು 200 ಮೀ. ದೂರದ ತನಕ ತ್ಯಾಜ್ಯ ತುಂಬಿಕೊಂಡಿದೆ. ಮುಖ್ಯವಾಗಿ ವಾಹನ ಸವಾರರು ತ್ಯಾಜ್ಯದ ಕಟ್ಟುಗಳನ್ನು ಎಸೆಯುತ್ತಿದ್ದಾರೆ. 

ಕೊಳೆತ ತರಕಾರಿ, ಮಾಂಸದ ತ್ಯಾಜ್ಯ ಸೇರಿದಂತೆ ಪ್ಲಾಸ್ಟಿಕ್‌, ಬಟ್ಟೆ ವಸ್ತುಗಳನ್ನು ಹಾಕಲಾಗುತ್ತಿದೆ.ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸಂಚರಿಸು ವವರು ಮಾಬುಕಳ ಸೇತುವೆ ಬಂತೆಂದರೆ ಮೂಗು ಮುಚ್ಚಿಕೊಳ್ಳುವ ದುಸ್ಥಿತಿಯಲ್ಲಿದೆ.ನಿತ್ಯ ಪ್ರಯಾಣಿಕರು ಅಸಹ್ಯ ವಾಸನೆ ಸಹಿಸಬೇಕಾಗಿದೆ.ಎಸೆದ ತ್ಯಾಜ್ಯ ಸೀತಾನದಿ ಸೇರುವುದರಿಂದ ನೀರು ಕಲುಷಿತ ಗೊಳ್ಳುತ್ತಿದೆ. ಸಂಬಂಧಪಟ್ಟವರು ತಕ್ಷಣ ಕ್ರಮಕೈಗೊಳ್ಳಬೇಕಾಗಿ ಪ್ರಯಾಣಿಕರು ಮನ ವಿ ಮಾಡಿದ್ದಾರೆ.