ಕಟಪಾಡಿ: ಟೈಲರಿಂಗ್‌ ಕೆಲಸದ ಜತೆಗೆ ವೃದ್ಧಾಶ್ರಮ ವಾಸಿಗಳ ಬೇಡಿಕೆಯನ್ವಯ ಊಟ ಆಹಾರ ತಿನಿಸುಗಳನ್ನು ಸ್ವತಃ ಸಿದ್ಧಪಡಿಸಿ ಉಣಬಡಿಸುವ ಮಮತೆಯ ಸೇವಕಿ ವಿಶಾಲ ಸುವರ್ಣ ಕರ್ತವ್ಯದಿಂದಾಗಿ “ಅನ್ನಪೂರ್ಣೇಶ್ವರೀ’ ಅನಿಸಿಕೊಂಡಿದ್ದಾರೆ.
Advertisement
ಇವರ ಹೆಸರೂ, ಇವರ ಮನಸ್ಸೂ ವಿಶಾಲವೇ… ಕಟಪಾಡಿ ಏಣಗುಡ್ಡೆ ಅಗ್ರಹಾರ ಬಳಿ ಇರುವ ಇವರ ಮನೆಗೆ ಹೊಂದಿಕೊಂಡು ಪಾರ್ಶ್ವದಲ್ಲಿಯೇ “ಕಾರುಣ್ಯ’ ಆಶ್ರಯಧಾಮವಿದೆ. ಇಲ್ಲಿ ಪ್ರಸ್ತುತ 14 ವಯೋವೃದ್ಧರು ಆಶ್ರಯವಿದ್ದಾರೆ. ಹಿರಿಯರಿಗೆ ಆರೋಗ್ಯದ ಸಮಸ್ಯೆ ಉಂಟಾದಾಗ ವೈದ್ಯರ ಬಳಿ ಕರೆದೊಯ್ದು ಆರೋಗ್ಯ ಸೇವೆಯನ್ನು ಪತಿ ಕುಮಾರ್‌ ನಡೆಸುತ್ತಾರೆ. ಉಳಿದ ವಿಷಯಗ ಳತ್ತ ವಿಶಾಲ ಸುವರ್ಣ ಗಮನ ಹರಿಸುತ್ತಾರೆ.
Related Articles
ಪಡುಬಿದ್ರಿ: ನಂದಿಕೂರು ಗ್ರಾಮದಲ್ಲಿ ಜನನ. ಬಾಮು, ಕಿಟ್ಟ ಮೂಲ್ಯ ದಂಪತಿ ಪುತ್ರಿ ಸುಗುಣಾ ಮೂಲ್ಯ ಅವರು ಓದಿದ್ದು ಪ್ರಾಥಮಿಕ ಶಾಲೆ. ಅವರಿಂದು ಪಡುಬಿದ್ರಿ ಗ್ರಾ.ಪಂ. ರುದ್ರಭೂಮಿಯ ನಿರ್ವಾಹಕಿ. ಪಂ. ಮೂಲಕ ವಹಿಸಿಕೊಂಡ ಕಾರ್ಯ ವನ್ನು ಗೌರವಯುತವಾಗಿ ಸುಗುಣಾ ನಿರ್ವಹಿಸುತ್ತಿದ್ದಾರೆ.
Advertisement
ಸುಗುಣಾ ಅವರು ಹಿಂದೆ ಪಡುಬಿದ್ರಿ ಗ್ರಾ. ಪಂ. ಸದಸ್ಯೆಯಾಗಿಯೂ ಜನ ಸೇವೆ ಮಾಡಿದವರು. ಆಗ ರುದ್ರ ಭೂಮಿ ನಿರ್ವಹಣೆಯನ್ನು ಆರಂಭಿಸಿದ ಸುಗುಣಾ, ಅಂದಿನಿಂದ ಇಂದಿನವರೆಗೆ ಸತತ 18 ವರ್ಷಗಳ ಕಾಲ ಚಾಚೂ ತಪ್ಪದೆ ತನ್ನ ಕಾರ್ಯವನ್ನು ಧೈರ್ಯದಿಂದ ಮುನ್ನಡೆಸುತ್ತಾ ಬಂದಿದ್ದಾರೆ. ಈ ತನ್ನ ಕಾರ್ಯಕ್ಕೆ ಧೈರ್ಯವೇ ಜೀವಾಳ ಎನ್ನುತ್ತಾರೆ ಅವರು.
ಪಂಚಾಯತ್‌ಗೆ ಶವದಹನ ಒಂದಕ್ಕೆ 150 ರೂ. ಗಳನ್ನು ಇವರು ಪಡೆಯುತ್ತಾರೆ. ಪಂಚಾಯತ್‌ ಮಾಹಿತಿಗಾಗಿ ಸಲ್ಲಬೇಕಾದ ಪ್ರತಿಯೊಂದು ಮಾಹಿತಿಯನ್ನು ಇವರು ಸಂಗ್ರಹಿಸುತ್ತಾರೆ. ಪ್ರತಿದಿನ ಬೆಳಗ್ಗೆ 6ರಿಂದ ರಾತ್ರಿ 8ಗಂಟೆಯವರೆಗೆ ದಹನ ಕ್ರಿಯೆಯಲ್ಲಿ ತಲ್ಲೀನರಾಗಿರುವ ಸುಗುಣಾ ಅವರಿಗೆ ಕಾರ್ಯದಲ್ಲಿ ತೃಪ್ತಿಯಿದೆ. ಮಾನವನ ಕಟ್ಟಕಡೆಯ ಯಾತ್ರೆಗೆ ಸಹಾಯಕಳಾಗಿ ಅವರು ಪಡುಬಿದ್ರಿ ಪಂಚಾಯತ್‌ ರುದ್ರಭೂಮಿಯಲ್ಲಿ ಒಂದಿನಿತೂ ಕೊರತೆ ಇರದಂತೆ ನೋಡಿಕೊಳ್ಳುತ್ತಿದ್ದಾರೆ. ಪಂಚಾಯತ್‌ ಇವರ ಈ ಕಾರ್ಯಕ್ಕೆ ವೇತನ ವನ್ನಾಗಲೀ, ಗೌರವ ಧನವನ್ನಾಗಲೀ ನೀಡುತ್ತಿಲ್ಲ. ಶವದಹನಕ್ಕೆ ಬರುವ ಸಾರ್ವಜನಿಕರು ಪ್ರೀತಿಯಿಂದ ನೀಡುವ ಸಂಭಾವನೆಯನ್ನಷ್ಟೇ ಅವರು ಪಡೆ ಯುತ್ತಾರೆ. ಇದ ಕ್ಕಾವ ಒತ್ತಾಯವಿಲ್ಲ.
ವಿಷಜಂತು ಕಡಿತಕ್ಕೆ ಚಿಕಿತ್ಸೆ ನೀಡುವ ನಾಟಿ ವೈದ್ಯೆಶಿರ್ವ: ಪ್ರಚಾರ ಬಯಸದೆ ಎಲೆಮರೆಯ ಕಾಯಿಯಂತೆ ನಿಸ್ವಾರ್ಥ ಸೇವೆಯ ಮೂಲಕ ಜನರ ಪ್ರಾಣ ಉಳಿಸುವ ಕಾರ್ಯ ಮಾಡುತ್ತಿರುವ ನಾಟಿ ವೈದ್ಯೆ ಶಿರ್ವ ಚೆಕ್‌ಪಾದೆ ನಾಯಿದಡ್ಡು ನಿವಾಸಿ ಶಾಲಿನಿ ಡಿ. ಅಮೀನ್‌. ಹಲವು ತಲೆಮಾರಿನಿಂದ ವಿಷಜಂತು ಕಡಿತಕ್ಕೆ ಚಿಕಿತ್ಸೆ ನೀಡುತ್ತಾ ಬಂದಿರುವ ಕುಟುಂಬ ಇವರದ್ದು. ಮನೆಯಲ್ಲಿ ಸೋದರ ಮಾವ ದಿ| ನರಂಗ ಪೂಜಾರಿ ಅವರು ಚಿಕಿತ್ಸೆ ನೀಡುತ್ತಿದ್ದುದನ್ನು ಕುತೂಹಲದಿಂದ ನೋಡುತ್ತಿದ್ದ ಶಾಲಿನಿಯವರು ಸೋದರ ಮಾವನ ನಿಧನಾನಂತರ ಹಿರಿಯರಿಂದ ಬಳುವಳಿಯಾಗಿ ಬಂದ ನಾಟಿ ವೈದ್ಯ ಪದ್ಧತಿಯನ್ನು ಮುಂದುವರಿಸಿಕೊಂಡು ಬರುತ್ತಿದ್ದಾರೆ. ನಾಟಿ ಚಿಕಿತ್ಸೆಗೆ ಬೇಕಾದ ದನದ ಹಾಲು ಮತ್ತು ಲಿಂಬೆಹಣ್ಣು ಮತ್ತಿತರ ಸಾಮಗ್ರಿಗಳು ಮನೆಯಲ್ಲಿಯೇ ಸಿದ್ಧವಿರುತ್ತದೆ.
ಮಣಿಪಾಲ: ಅಂಬಿಕಾ ರತ್ನಾಕರ್‌ ಮೂಲತಃ ಹೊಸ ನಗರದವರು. 15 ವರ್ಷಗಳ ಹಿಂದೆ ಶಾಂತಿ ನಗರದ ರತ್ನಾಕರ್‌ ಅವರ ಜತೆ ವಿವಾಹವಾಗಿ ಮಣಿಪಾಲಕ್ಕೆ ಬಂದ ಇವರು ಬದುಕು ಕಟ್ಟಿಕೊಂಡಿದ್ದು ಸೋದ್ಯೋಗದ ಮೂಲಕ. ಅಂಬಿಕಾ ಅವರು ಮಣಿಪಾಲ ಈಶ್ವರ ನಗರ ದಲ್ಲಿ ನಡೆಸುತ್ತಿರುವ ಕ್ಯಾಂಟೀನ್‌ ಕಡಿಮೆ ದರದಲ್ಲಿ ರುಚಿ, ಶುಚಿಯಾದ ಉಪಾಹಾರ, ಗಂಜಿ ಊಟಕ್ಕೆ ಪ್ರಸಿದ್ಧ. ಕಾರ್ಮಿಕರಿಂದ ಹಿಡಿದು ಪ್ರತಿಷ್ಠಿತ ಎಂಐಟಿ ವಿದ್ಯಾರ್ಥಿಗಳು, ಸಿಬಂದಿ ಇವರ ಗ್ರಾಹಕರು. ಯಾವುದೇ ಕೆಲಸ, ಉದ್ಯೋಗವಿರಲಿ ಮಾಡುವ ಕೆಲಸದಲ್ಲಿ ಶ್ರದ್ಧೆ, ಬದ್ಧತೆ, ಉಳಿತಾಯ ಮನೋಭಾವನೆ, ದೂರದೃಷ್ಟಿ ಇದ್ದರೆ ಯಶಸ್ಸು ಕೈ ಬಿಡುವುದಿಲ್ಲ ಎಂಬುದಕ್ಕೆ ಇವರು ಉದಾಹರಣೆ.