Lyon Master Chess: ಆನಂದ್‌ಗೆ 10ನೇ ಪ್ರಶಸ್ತಿ

ಲಿಯಾನ್‌ (ಸ್ಪೇನ್‌): ಐದು ಬಾರಿಯ ವಿಶ್ವ ಚಾಂಪಿಯನ್‌ ವಿಶ್ವನಾಥನ್‌ ಆನಂದ್‌ 10ನೇ ಸಲ “ಲಿಯಾನ್‌ ಚೆಸ್‌’ ಚಾಂಪಿಯನ್‌ ಆಗಿ ಹೊರಹೊಮ್ಮಿದ್ದಾರೆ. ಫೈನಲ್‌ನಲ್ಲಿ ಅವರು ಆತಿಥೇಯ ಸ್ಪೇನ್‌ನ ಜೇಮಿ ಸ್ಯಾಂಟೋಸ್‌ ಲಟಾಸ ವಿರುದ್ಧ 3-1 ಅಂತರದ ಜಯ ಸಾಧಿಸಿದರು.

54 ವರ್ಷದ ವಿಶ್ವನಾಥನ್‌ ಆನಂದ್‌ ಚೆನ್ನೈಯಲ್ಲಿ ವಾಸ್ತವ್ಯ ಹೂಡುವ ಮುನ್ನ ಸ್ಪೇನ್‌ನಲ್ಲಿ ಬಹಳ ವರ್ಷ ನೆಲೆಸಿದ್ದರು. ಹೀಗಾಗಿ ಇದು ಅವರ ನೆಚ್ಚಿನ ತಾಣವಾಗಿದೆ. 28 ವರ್ಷಗಳ ಹಿಂದೆ, 1996ರಲ್ಲಿ ಆನಂದ್‌ ಇಲ್ಲಿ ಮೊದಲ ಸಲ ಚಾಂಪಿಯನ್‌ ಆಗಿ ಮೂಡಿಬಂದಿದ್ದರು.

ಸೆಮಿಫೈನಲ್‌ನಲ್ಲಿ ಭಾರತದ ಮತ್ತೋರ್ವ ಚೆಸ್‌ಪಟು ಅರ್ಜುನ್‌ ಎರಿಗೇಸಿ ಅವರನ್ನು ಲಟಾಸ 2.5-1.5 ಅಂಕ ಗಳಿಂದ ಪರಾಭವಗೊಳಿಸಿದ್ದರು. ವಿಶ್ವನಾಥನ್‌ ಆನಂದ್‌ಗೆ ಶರಣಾದವರು ವೆಸಲಿನ್‌ ಟೊಪಲೋವ್‌ (2.5-1.5).