Lunar eclipse; ಇಂದು ಚಂದ್ರಗ್ರಹಣ: ಭಾರತದಲ್ಲಿ ಗೋಚರ ಇಲ್ಲ

ಹೊಸದಿಲ್ಲಿ: ಹೋಳಿ ಹುಣ್ಣಿಮೆಯ ಸೋಮವಾರ ಮಾ.25 ರಂದು ಈ ವರ್ಷದ ಮೊದಲ ಚಂದ್ರಗ್ರಹಣ ಘಟಿಸಲಿದೆ. ಆದರೆ ಭಾರತದಲ್ಲಿ ಇದು ಗೋಚರಿಸುವುದಿಲ್ಲ. ದಕ್ಷಿಣ ಅಮೆ ರಿಕ ಮತ್ತು ಉತ್ತರ ಅಮೆರಿಕದಲ್ಲಿ ಚಂದ್ರಗ್ರಹಣ ಸೋಮವಾರ ಬೆಳಗ್ಗೆ 10.23ಕ್ಕೆ(ಭಾರತೀಯ ಕಾಲಮಾನ) ಆರಂಭವಾಗಲಿದೆ. ಮಧ್ಯಾಹ್ನ 3.02ಕ್ಕೆ ಗ್ರಹಣ ಮುಗಿಯಲಿದೆ. ಒಟ್ಟು 4 ಗಂಟೆ 39 ನಿಮಿಷ ಕಾಲ ಗ್ರಹಣ ಇರಲಿದೆ. “ಅಮೆರಿಕದಲ್ಲಿ ಮಾ.24ರ ರಾತ್ರಿ ಚಂದ್ರ ಗ್ರಹಣ ಗೋಚರಿಸಲಿದೆ. ಬೈನಾಕ್ಯೂಲರ್‌ ಅಥವಾ ಟೆಲಿಸ್ಕೋಪ್‌ ಮೂಲಕ ನಾಗರಿಕರು ಸ್ಪಷ್ಟವಾಗಿ ಗ್ರಹಣ ವೀಕ್ಷಿಸಬಹುದು’ ಎಂದು ನಾಸಾ ಹೇಳಿದೆ.