ಲಕ್ನೋ- ಚೆನ್ನೈ ನಡುವಿನ ಪಂದ್ಯದ ದಿನ ಬದಲಾವಣೆ: ಯಾಕೆ ಗೊತ್ತಾ?

ಮುಂಬೈ: ಲಕ್ನೋ ಸೂಪರ್ ಜೈಂಟ್ಸ್‌ನ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಮೇ 4 ರ ಪಂದ್ಯವನ್ನು ಮೇ 3ಕ್ಕೆ ನಡೆಸಲು ನಿರ್ಧರಿಸಲಾಗಿದೆ. ಮೇ 4ರಂದು ಲಕ್ನೋದಲ್ಲಿ ಮುನ್ಸಿಪಲ್ ಚುನಾವಣೆ ನಡೆಯುವ ಕಾರಣದಿಂದ ಪಂದ್ಯದ ದಿನಾಂಕ ಬದಲಾವಣೆ ಮಾಡಲಾಗಿದೆ.

ಗುರುವಾರದ ಡಬಲ್-ಹೆಡರ್‌ ನ ಭಾಗವಾಗಿ ಪಂದ್ಯವು ಮೇ 4ರ ಮಧ್ಯಾಹ್ನ 3.30 ಕ್ಕೆ ಪ್ರಾರಂಭವಾಗಬೇಕಿತ್ತು, ನಂತರದ ಪಂದ್ಯದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ಕೋಲ್ಕತ್ತಾ ನೈಟ್ ರೈಡರ್ಸ್ ಅನ್ನು ಎದುರಿಸಲಿದೆ. ಇದೀಗ ಮರು ನಿಗದಿಪಡಿಸಲಾದ ಪಂದ್ಯವೂ ಮಧ್ಯಾಹ್ನ 3.30 ಕ್ಕೆ ಪ್ರಾರಂಭವಾಗುತ್ತದೆ, ಇದು ಬುಧವಾರದ ಡಬಲ್-ಹೆಡರ್ ಆಗಿರುತ್ತದೆ. ಆ ದಿನದ ರಾತ್ರಿಯ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ಮತ್ತು ಮುಂಬೈ ಇಂಡಿಯನ್ಸ್ ತಂಡಗಳು ಎದುರಾಗಲಿದೆ.

ಇದನ್ನೂ ಓದಿ:ವಿನಯ್ ಕುಲಕರ್ಣಿಗೆ ಸಂಕಷ್ಟ: ಧಾರವಾಡ ಗ್ರಾಮೀಣ ಕ್ಷೇತ್ರ ಪ್ರವೇಶಕ್ಕೆ ಸಿಗದ ಅನುಮತಿ

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವಿರುದ್ದ ಮೇ 1 ರಂದು ತವರಿನಲ್ಲಿ ಆಡುವ ಸೂಪರ್ ಜೈಂಟ್ಸ್‌ ಗೆ ಪಂದ್ಯಗಳ ನಡುವೆ ಕೇವಲ ಒಂದು ದಿನದ ಅಂತರವಿರುತ್ತದೆ, ಆದರೆ ಸೂಪರ್ ಕಿಂಗ್ಸ್ ಸ್ವಲ್ಪ ದೀರ್ಘವಾದ ವಿರಾಮ ಪಡೆಯಲಿದೆ, ಏಕೆಂದರೆ ಅವರ ಹಿಂದಿನ ಪಂದ್ಯವು ಏಪ್ರಿಲ್ 30 ರಂದು ಪಂಜಾಬ್ ಕಿಂಗ್ಸ್ ವಿರುದ್ಧ ತವರಿನಲ್ಲಿ ನಡೆಯಲಿದೆ.