Lucknow: ರೀಲ್‌ನ “ಮಿಲನ” ರಿಯಲ್‌ನಲ್ಲಿ!

ಲಕ್ನೋ: ಡಾ.ಪುನೀತ್‌ ರಾಜಕುಮಾರ್‌ ಅಭಿನಯದ “ಮಿಲನ” ಸಿನಿಮಾ ಅಸಂಖ್ಯ ಅಭಿಮಾನಿ ಗಳ ಮನದಲ್ಲಿ ಸದಾ ಅಚ್ಚೊತ್ತಿರುವ ಕಥೆ! ಹೆಂಡತಿಯ ಹಿಂದಿನ ಪ್ರೇಮಕಥೆ ತಿಳಿದು, ಆಕೆಯ ಪ್ರಿಯಕರನ ಜತೆಗೆ ಅವಳನ್ನು ಒಂದುಗೂಡಿಸಲು ಮುಂದಾಗುವ ನಾಯಕನ ಉದಾರತೆ ಸಿನಿಪ್ರೇಕ್ಷಕರ ಮನಗೆದ್ದಿತ್ತು.

ರೀಲ್‌ನಲ್ಲಿನ ಆ ಸಿನಿಮಾ ಕಥೆಯನ್ನು ಉತ್ತರ ಪ್ರದೇಶದ ವ್ಯಕ್ತಿಯೊಬ್ಬ ರಿಯಲ್‌ನಲ್ಲೇ ಸತ್ಯವಾಗಿಸಿದ್ದಾನೆ! ಹೌದು, ಡಿಯೋರಿಯಾ ಜಿಲ್ಲೆಯ ನಿವಾಸಿಯೊಬ್ಬರು ಕಳೆದ ವರ್ಷವಷ್ಟೇ ದಾಂಪತ್ಯಕ್ಕೆ ಕಾಲಿಟ್ಟಿದ್ದರು. ಆದರೆ, ಇತ್ತೀಚಿನ ದಿನಗಳಲ್ಲಿ ಪತ್ನಿಗೆ ಮತ್ತೂಬ್ಬರ ಜತೆಗೆ ಸಂಬಂಧವಿರುವುದು ಗಂಡನಿಗೆ ತಿಳಿದುಬಂದಿತ್ತು. ವಿಚಾರಿಸಿದಾಗ ಆಕೆ ತನ್ನ ಪ್ರಿಯಕರನೆಂದು ಒಪ್ಪಿಕೊಂಡ ಹಿನ್ನೆಲೆ ಗಂಡನೇ ಪತ್ನಿಯನ್ನು ಮತ್ತವಳ ಪ್ರಿಯಕರನನ್ನು ಮದುವೆ ಮಾಡಿಸಿ, ಕಳುಹಿಸಿಕೊಟ್ಟಿದ್ದಾನೆ.