ಭಾರತೀಯ ಸೇನೆಗೆ ಮತ್ತಷ್ಟು ಬಲ: ಕೆ-9 ವಜ್ರ ಹೊವಿಟ್ಜರ್‌ ಸೇನೆಗೆ ಸೇರ್ಪಡೆ

ಹೊಸದಿಲ್ಲಿ : ಸ್ವಯಂಚಾಲಿತವಾಗಿ ತಿರುಗಬಲ್ಲ ಅತ್ಯಾಧುನಿಕ ಕೆ-9 ವಜ್ರ ಹೊವಿಟ್ಜರ್‌ ತೋಪುಗಳ ಪೈಕಿ ನೂರನೇ ತೋಪನ್ನು ಭೂಸೇನಾ ಮುಖ್ಯಸ್ಥ ಜ| ಎಂ.ಎಂ. ನರವಾಣೆ ಅವರು ಗುರುವಾರ ಸೇನಾ ಸೇವೆಗೆ ಸಮರ್ಪಿಸಿದರು.

ಸೇನೆಯು 100 ಕೆ-9 ವಜ್ರ ಹೊವಿಟ್ಜರ್‌ಗಳಿಗೆ ಬೇಡಿಕೆ ಸಲ್ಲಿಸಿತ್ತು. ಈ ಪೈಕಿ ಮೂರನ್ನು ಲಡಾಖ್‌ನ ಗರಿಷ್ಠ ಎತ್ತರದ ಸ್ಥಳದಲ್ಲಿ ಪರೀಕ್ಷೆಗಾಗಿ ನಿಯೋಜಿಸಲಾಗಿದೆ.

ಮೂರು ಹೊವಿಟ್ಜರ್‌ಗಳು ಮಂಗಳವಾರ ಲಡಾಖ್‌ಗೆ ಆಗಮಿಸಿದ್ದು, ಎತ್ತರದ ಸ್ಥಳಗಳಲ್ಲಿ ಅವುಗಳ ಕಾರ್ಯಾಚರಣೆ ಸಾಮರ್ಥ್ಯ ತಿಳಿಯಲು ಒಯ್ಯಲಾಗುತ್ತಿದೆ ಎಂದು ಸೇನಾಮೂಲಗಳು ತಿಳಿಸಿವೆ.