Love Reddy: ತೆರೆಗೆ ಬಂತು ʼಲವ್‌ ರೆಡ್ಡಿʼ

“ಲವ್‌ ರೆಡ್ಡಿ’ ಚಿತ್ರ ಇಂದು ತೆರೆಕಾಣುತ್ತಿದೆ. ತೆಲುಗು-ಕನ್ನಡದಲ್ಲಿ ತಯಾರಾದ ಸಿನಿಮಾ ಮೊದಲು ತೆರೆಕಂಡಿದ್ದು ತೆಲುಗಿನಲ್ಲಿ. ಅಕ್ಟೋಬರ್‌ 18ಕ್ಕೆ ತೆರೆಕಂಡ ಸಿನಿಮಾ ಅಲ್ಲಿ ಹಿಟ್‌ಲಿಸ್ಟ್‌ ಸೇರಿದೆ. ಈಗ ಈ ಚಿತ್ರ ಕನ್ನಡದಲ್ಲೂ ಬಿಡುಗಡೆಯಾಗುತ್ತಿದೆ.

“ಲವ್‌ ರೆಡ್ಡಿ’ ಚಿತ್ರಕ್ಕೆ ಬೆನ್ನೆಲುಬಾಗಿ ನಿಂತಿರುವುದು ನಟ, ನಿರ್ದೇಶಕ ವಿಜಯ್‌ ಕುಮಾರ್‌. ಈಗಾಗಲೇ ಸಿನಿಮಾವನ್ನು ನೋಡಿ, ಕಂಟೆಂಟ್‌ ಇಷ್ಟವಾಗಿ ಲವ್‌ ರೆಡ್ಡಿ ಸಿನಿಮಾ ವನ್ನು ಕನ್ನಡದಲ್ಲಿ ಅರ್ಪಿಸಲು ಮುಂದಾಗಿದ್ದಾರೆ. ಜೊತೆಗೆ ಹೊಂಬಾಳೆ ಸಂಸ್ಥೆ ಕನ್ನಡದ ವಿತರಣೆಯ ಜವಾಬ್ದಾರಿಯನ್ನು ಹೊತ್ತಿದೆ.

ಆಂಧ್ರ ಹಾಗೂ ಕರ್ನಾಟಕದ ಗಡಿ ಭಾಗದಲ್ಲಿ ನಡೆದ ನೈಜ ಘಟನೆಯಾಧಾರಿತ ಸಿನಿಮಾ ಇದಾಗಿದೆ. ಲವ್‌ ರೆಡ್ಡಿ ಕನ್ನಡ ವರ್ಷನ್‌ ನ ಟ್ರೇಲರ್‌ ಅನ್ನು ನಟ ವಿಜಯ್‌ ಕುಮಾರ್‌ ರಿಲೀಸ್‌ ಮಾಡುವುದರ ಮೂಲಕ ಹೊಸಬ ರಿಗೆ, ಹೊಸತಂಡಕ್ಕೆ ಬೆನ್ನೆಲುಬಾಗಿ ನಿಂತಿದ್ದಾರೆ.

ಸ್ಮರಣ್‌ ಈ ಚಿತ್ರದ ನಿರ್ದೇಶಕ. ಚಿತ್ರದಲ್ಲಿ ಅಂಜನ್‌ ರಾಮಚಂದ್ರ ಹಾಗೂ ಶ್ರಾವಣಿ ನಾಯಕ- ನಾಯಕಿಯಾಗಿ ನಟಿಸಿದ್ದಾರೆ.