Traffic jam; ಮನಾಲಿಯಲ್ಲಿ ಟ್ರಾಫಿಕ್ ಜಾಮ್:ಲಕ್ಷಾಂತರ ಪ್ರವಾಸಿಗರ ಪರದಾಟ

ಮನಾಲಿ : ಕ್ರಿಸ್‌ಮಸ್ ಮತ್ತು ಹೊಸ ವರ್ಷಾಚರಣೆಗೆ ಮುನ್ನ ಪ್ರವಾಸಿ ತಾಣಗಳಾದ ಕುಲು ಮತ್ತು ಮನಾಲಿಗೆ ಆಗಮಿಸುತ್ತಿರುವ ಪ್ರವಾಸಿಗರ ಸಂಖ್ಯೆ ಹೆಚ್ಚಿದ್ದು, ಸಂಚಾರ ದಟ್ಟಣೆ ಉಂಟಾಗಿ ಪರದಾಡುವಂತಾಗಿದೆ.

ಶನಿವಾರದಂದು, ಅಟಲ್ ಸುರಂಗದ ಸಮೀಪವಿರುವ ಪ್ರದೇಶಗಳಲ್ಲಿ ತಾಜಾ ಹಿಮಪಾತವು ಸಂಭವಿಸಿದ ನಂತರ ಸ್ಥಳೀಯ ಪೊಲೀಸರು ಮುನ್ನೆಚ್ಚರಿಕೆ ಕ್ರಮವಾಗಿ ವಾಹನ ಸಂಚಾರವನ್ನು ನಿಲ್ಲಿಸಿದ್ದರು. ಇದು ಮನಾಲಿಯಿಂದ ಅಟಲ್ ಸುರಂಗದವರೆಗೆ ಐದು ಕಿಲೋಮೀಟರ್ ಉದ್ದದ ಟ್ರಾಫಿಕ್ ಜಾಮ್‌ಗೆ ಕಾರಣವಾಗಿತ್ತು.

ಪ್ರವಾಸಿ ಸಮಯದಲ್ಲಿ ಸಾಮಾನ್ಯವಾಗಿ ಪ್ರತಿ ವರ್ಷ ಈ ಪ್ರದೇಶದಲ್ಲಿ ಸಂಚಾರ ದಟ್ಟಣೆಗಳು ವರದಿಯಾಗುತ್ತವೆ, ಇದು ಪ್ರವಾಸಿಗರು ಮತ್ತು ಸ್ಥಳೀಯರಿಗೆ ಸಮಾನವಾಗಿ ಪರದಾಡುವಂತೆ ಮಾಡುತ್ತದೆ.