ಲೋಕಪಾಲ ಸದಸ್ಯತ್ವಕ್ಕೆ ನ್ಯಾ|ದಿಲೀಪ್‌ ಭೋಸ್ಲೆ ರಾಜೀನಾಮೆ

ಹೊಸದಿಲ್ಲಿ: ನ್ಯಾ| ದಿಲೀಪ್‌ ಬಿ. ಭೋಸ್ಲೆ ಅವರು ಏಕಾಏಕಿ ಲೋಕಪಾಲ ಸದಸ್ಯತ್ವಕ್ಕೆ ರಾಜೀನಾಮೆ ನೀಡಿದ್ದಾರೆ. ನೇಮಕವಾದ 9 ತಿಂಗಳಲ್ಲೇ ಅವರು ರಾಜೀನಾಮೆ ನೀಡಿರುವುದು ವಿಶೇಷ. ಈ ಕುರಿತು ಟ್ವಿಟರ್‌ ಮೂಲಕ ಅವರೇ ಮಾಹಿತಿ ನೀಡಿದ್ದಾರೆ,

‘ಲೋಕಪಾಲದ ನ್ಯಾಯಾಂಗ ಸದಸ್ಯತ್ವಕ್ಕೆ ನಾನು 2020ರ ಜ. 6ರಂದು ರಾಜೀನಾಮೆ ನೀಡಿದ್ದೇನೆ. ಜ. 12ರಿಂದ ಇದು ಕಾರ್ಯರೂಪಕ್ಕೆ ಬರಲಿದೆ. ವೈಯಕ್ತಿಕ ಕಾರಣಗಳಿಂದಾಗಿ ನಾನು ಈ ನಿರ್ಧಾರ ಕೈಗೊಂಡಿದ್ದೇನೆ’ ಎಂದು ಹೇಳಿದ್ದಾರೆ.

ಲೋಕಪಾಲ ಸದಸ್ಯರು 5 ವರ್ಷಗಳ ಅವಧಿಗೆ ನೇಮಕವಾಗಿರುತ್ತಾರೆ ಅಥವಾ ಅವರಿಗೆ 70 ವರ್ಷಗಳಾಗುವವರೆಗೂ ಅಧಿಕಾರದಲ್ಲಿರುತ್ತಾರೆ.