ದೇಶದ ಮಹಾ ಚುನಾವಣೆ ಬ್ಯೂಟಿ ಕಂಟೆಸ್ಟ್‌ ಅಲ್ಲ: ಸುಶೀಲ್‌ ಮೋದಿ

ಕೋಲ್ಕತ : ದೇಶದ ಭವಿಷ್ಯವನ್ನು ನಿರ್ಧರಿಸುವ ಮಹಾ ಚುನಾವಣೆ ಬ್ಯೂಟಿ ಕಂಟೆಸ್ಟ್‌ ಅಲ್ಲ ಎಂದು ಹೇಳುವ ಮೂಲಕ ಬಿಹಾರ ಉಪ ಮುಖ್ಯಮಂತ್ರಿ ಮತ್ತು ಹಿರಿಯ ಬಿಜೆಪಿ ನಾಯಕ ಸುಶೀಲ್‌ ಕುಮಾರ್‌ ಮೋದಿ  ಅವರು ಪ್ರಿಯಾಂಕಾ ಗಾಂಧಿ ವಾದ್ರಾ ಅವರು ಭಾರೀ ಪ್ರಚಾರದ ರಾಜಕೀಯ ಪ್ರವೇಶವನ್ನು ಪರೋಕ್ಷವಾಗಿ ಟೀಕಿಸಿದ್ದಾರೆ. 

ಮತದಾರರು ಯಾವತ್ತೂ ದೇಶದ ಏಕತೆ, ಸಮಗ್ರತೆ ಮತ್ತು ಭವಿಷ್ಯವನ್ನು ದೃಷ್ಟಿಯಲ್ಲಿಟ್ಟುಕೊಂಡು, ಹಿಂದಿನ ನಿರ್ವಹಣೆಯನ್ನು ನೋಡಿಕೊಂಡು, ಮತ ಹಾಕುತ್ತಾರೆಯೇ ವಿನಾ ಅಭ್ಯರ್ಥಿಯ ಅಂದ ಚಂದ ನೋಡಿ ಅಲ್ಲ ಎಂದು ಸುಶೀಲ್‌ ಮೋದಿ, ಪ್ರಿಯಾಂಕಾಗೆ ಟಾಂಗ್‌ ನೀಡಿದರು. 

ಚುನಾವಣೆ ಅನ್ನೋದು ಒಂದು ರಾಜಕೀಯ ಸ್ಪರ್ಧೆಯೇ ಹೊರತು ಸೌಂದರ್ಯ ಸ್ಪರ್ಧೆ ಅಲ್ಲ; ಜನರು ದೇಶದ ಭವಿಷ್ಯ ಮತ್ತು ಭದ್ರತೆಗಾಗಿ ತೂಗಿ ಅಳೆದು, ಹಿಂದಿನ ನಿರ್ವಹಣೆಯನ್ನು ನೋಡಿಕೊಂಡು, ದೇಶದ ಹಿತಾಸಕ್ತಿಯಲ್ಲಿ ಮತ ಹಾಕುತ್ತಾರೆ ಎಂದು ಸುಶೀಲ್‌ ಮೋದಿ ಹೇಳಿದರು.