ಅನ್‌ಲಾಕ್‌ ಆದ್ರೂ ಮನೇಲೇ ಇರ್ತೀವಿ! ; 14 ದೇಶಗಳಲ್ಲಿ ಸಮೀಕ್ಷೆ

ಕೋವಿಡ್ ವೈರಸ್‌ ಇನ್ನೂ ತನ್ನ ಆಟ ಮುಂದುವರಿಸಿರುವಾಗಲೇ ಜಗತ್ತಿನ ಬಹುತೇಕ ರಾಷ್ಟ್ರಗಳು ಲಾಕ್‌ಡೌನ್‌ ನಿರ್ಬಂಧ ಸಡಿಲಿಸಿ ಆರ್ಥಿಕ ಚಟುವಟಿಕೆಗಳ ಪುನರಾರಂಭಕ್ಕೆ ಚಾಲನೆ ನೀಡಿವೆ.

ಜನ ಕೂಡ ದೇಶ ಮುಂದುವರಿಯಲು ಆರ್ಥಿಕ ಚಟುವಟಿಕೆಗಳು ಬೇಕೆಂದು ಒಪ್ಪಿಕೊಂಡಿದ್ದಾರೆ. ಆದರೆ ಸಮೀಕ್ಷೆಯೊಂದರ ಪ್ರಕಾರ ಮನೆಯಿಂದ ಹೊರಗೆ ಬರಲು ಬಹುತೇಕ ದೇಶಗಳ ಜನ ಹಿಂದೇಟು ಹಾಕುತ್ತಿದ್ದಾರೆ.

ಭಾರತ ಸೇರಿ ಪ್ರಮುಖ ದೇಶಗಳಲ್ಲಿ ಖಾಸಗಿ ಸಂಸ್ಥೆಯೊಂದು ನಡೆಸಿದ ಆ ಸಮೀಕ್ಷೆಯ ಕೆಲ ಕುತೂಹಲಕಾರಿ ಅಂಶಗಳು ಇಲ್ಲಿವೆ…

ಆರ್ಥಿಕತೆ ಮುಖ್ಯ
ಕೋವಿಡ್ 19 ವೈರಸ್ ಕಾಟ ಇದ್ದರೂ ಆರ್ಥಿಕ ಚಟುವಟಿಕೆ ಆರಂಭಿಸಿ ಎಂಬುದು ಭಾರತ, ಚೀನಾ, ಇಟಲಿ ಮತ್ತು ರಷ್ಯಾದ ಬಹುಪಾಲು ಜನರ ಅಭಿಪ್ರಾಯ

ಕೋವಿಡ್ ವೈರಸ್ ಭಯವಿಲ್ಲ
ನಮಗೆ ಮನೆಯಿಂದ ಹೊರಗೆ ಬರೋಕೆ ಭಯವಿಲ್ಲ, ಕೋವಿಡ್ ನಡುವೆಯೇ ವ್ಯಾಪಾರ, ವ್ಯವಹಾರ ನಡೆಯಲಿ ಎಂದ ಜರ್ಮನಿ ಮತ್ತು ಇಟಲಿ ಜನ.