Football: ಫ್ರೆಂಡ್ಲಿ ಫುಟ್‌ಬಾಲ್‌: ಕೇರಳಕ್ಕೆ ಬರಲಿದೆ ಮೆಸ್ಸಿ ಪಡೆ

ತಿರುವನಂತಪುರ: ಲೆಜೆಂಡ್ರಿ ಆಟಗಾರ ಲಿಯೋನೆಲ್‌ ಮೆಸ್ಸಿ ಸಾರಥ್ಯದ ಆರ್ಜೆಂಟೀನಾ ತಂಡ ಮುಂದಿನ ವರ್ಷ ಕೇರಳದಲ್ಲಿ ಇಂಟರ್‌ನ್ಯಾಶನಲ್‌ ಫ್ರೆಂಡ್ಲಿ ಫುಟ್‌ಬಾಲ್‌ ಪಂದ್ಯಗಳನ್ನು ಆಡಲು ಆಗಮಿಸಲಿದೆ. ಕೇರಳದ ಕ್ರೀಡಾ ಸಚಿವ ವಿ. ಅಬ್ದುಲ್‌ ರಹಿಮಾನ್‌ ಈ ವಿಷಯವನ್ನು ಪ್ರಕಟಿಸಿದರು.

“ವಿಶ್ವದ ನಂಬರ್‌ ವನ್‌ ಫ‌ುಟ್‌ಬಾಲ್‌ ತಂಡವಾಗಿರುವ, ಸ್ಟಾರ್‌ ಆಟಗಾರ ಲಿಯೋನೆಲ್‌ ಮೆಸ್ಸಿ ಅವರನ್ನು ಒಳಗೊಂಡ ಆರ್ಜೆಂಟೀನಾ ಮುಂದಿನ ವರ್ಷ ಕೇರಳಕ್ಕೆ ಆಗಮಿಸಿ ಎರಡು ಸೌಹಾರ್ದ ಪಂದ್ಯಗಳಲ್ಲಿ ಪಾಲ್ಗೊಳ್ಳಲಿದೆ. ಕೇರಳಕ್ಕೆ ಆಗಮಿಸುವ ಕುರಿತು ಆರ್ಜೆಂಟೀನಾ ಈಗಾಗಲೇ ಅಧಿಕೃತ ಪ್ರಕಟನೆ ನೀಡಿದೆ’ ಎಂದು ಸಚಿವರು ಹೇಳಿದರು. ಇತ್ತೀಚೆಗೆ ಸ್ಪೇನ್‌ಗೆ ತೆರಳಿದ ವೇಳೆ ಮಾತುಕತೆ ನಡೆಸಿ, ಅಧಿಕೃತ ಆಮಂತ್ರಣ ನೀಡಿದ್ದಾಗಿ ಅವರು ಹೇಳಿದರು.

ಜಪಾನ್‌ ಮತ್ತು ಕತಾರ್‌ ತಂಡಗಳು ಈ ಸೌಹಾರ್ದ ಪಂದ್ಯಗಳಲ್ಲಿ ಆರ್ಜೆಂಟೀನಾವನ್ನು ಎದುರಿಸುವ ಸಾಧ್ಯತೆ ಇದೆ. ಕೊಚ್ಚಿಯಲ್ಲಿ ಈ ಪಂದ್ಯಗಳನ್ನು ಆಡಲಾಗುವುದು.