ನಿಮಗೂ ಒಂದು ಸಿಪ್‌ ಇರಲಿ !

ಷೇರುಪೇಟೆಯಲ್ಲಿ ಏರಿಳಿತ ಇದ್ದೇ ಇರುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ಈ ಏರಿಳಿತ ಅಧಿಕವಾಗುತ್ತಿದೆ. ವ್ಯವಹಾರದ ಪ್ರಮಾಣ ಅಧಿಕವಾದಾಗ ಸಹಜವಾಗಿಯೇ ಇಂತಹ ಏರಿಳಿತ ಇದ್ದೇ ಇರುತ್ತದೆ. ಅದೂ ದೇಶೀಯ ಮತ್ತು ವಿದೇಶಿ ಸಾಂಸ್ಥಿಕ ಹೂಡಿಕೆದಾರರ ವಹಿವಾಟಿನ ಪ್ರಮಾಣದಲ್ಲಿ  ಅಧಿಕ ಏರಿಕೆ ಆದಾಗ, ಖರೀದಿ ಮತ್ತು ಮಾರಾಟಗಳ ಭರಾಟೆ ಹೆಚ್ಚಿರುತ್ತದೆ.

ಮ್ಯೂಚುವಲ್‌ ಫ‌ಂಡ್‌ನ‌ಲ್ಲಿ ಹಣ ಹೂಡುವುದು ಅಂದರೆ ಪರೋಕ್ಷವಾಗಿ ಷೇರಿನಲ್ಲಿ ಹಣ ಹೂಡುವುದು. ಹಾಗಾಗಿಯೇ ಷೇರು ಪೇಟೆಯ ಏರಿಳಿತಕ್ಕೆ ಮ್ಯೂಚುವಲ್‌ ಫ‌ಂಡ್‌ ಕೂಡ ಪ್ರತಿಸ್ಪಂದಿಸಲೇ ಬೇಕು. ಮ್ಯೂಚುವಲ್‌ ಫ‌ಂಡ್‌, ಹಣ ಹೂಡಿದ ಷೇರುಗಳ ಬೆಲೆಯಲ್ಲಿ ಇಳಿಕೆ ಆದಾಗ ಸಹಜವಾಗಿಯೇ ನಾವು ಹಣ ಹೂಡಿದ ಮ್ಯೂಚುವಲ್‌ ಫ‌ಂಡಿನ ಮೌಲ್ಯದಲ್ಲೂ ಇಳಿಕೆ ಆಗುತ್ತದೆ. ಮ್ಯೂಚುವಲ್‌ ಫ‌ಂಡ್‌ನ‌ ಸೆಕ್ಟರ್‌ಫ‌ಂಡ್‌ ಅಂದರೆ ಒಂದು ವಲಯದ ಕಂಪನಿಗಳಲ್ಲಿ ಮಾತ್ರ ಹಣ ಹೂಡಿದಾಗ ಹಲವು ಸಂದರ್ಭಗಳಲ್ಲಿ ನಷ್ಟವೇ ಹೆಚ್ಚಾಗುತ್ತಿತ್ತು. ಉದಾಹರಣೆಗೆ ರಿಯಲ್‌ ಎಸ್ಟೇಟ್‌ ಕಂಪನಿಗಳ ಬೆಲೆಯಲ್ಲಿ ಕಳೆದ ಹಲವು ವರ್ಷಗಳಿಂದ ಅಂತಹ ಏರಿಕೆ ಆಗಲಿಲ್ಲ. ಒಂದು ವೇಳೆ ಇನ್‌ಪ್ರಾಫ‌ಂಡ್‌ ನಲ್ಲಿ ಹಣ ಹೂಡಿದ್ದರೆ, ಅವರು ಹೂಡಿದ ಹಣ, ಬೆಳೆಯುವ ಬದಲು ಕರಗುವ ಸಾಧ್ಯತೆಯೂ ಇದೆ. ಹಾಗಾಗಿ ಯಾವುದಾದರೂ ಒಂದೇ ವಲಯದ ಮ್ಯೂಚುವಲ್‌ ಫ‌ಂಡ್‌ಗೆ ಹಾಕುವ ಬದಲು ಎಲ್ಲವೂ ಸೇರಿರುವ, ಒಳಗೊಂಡಿರುವ, ಯೋಜನೆಗಳಲ್ಲಿ ಹಣ ಹೂಡುವುದು ಕ್ಷೇಮ.

ಷೇರುಪೇಟೆಯಲ್ಲಿ ಏರಿಳಿತ ಇದ್ದೇ ಇರುತ್ತದೆ. ಇತ್ತೀಚಿನ ವರ್ಷಗಳಲ್ಲಿ ಈ ಏರಿಳಿತ ಅಧಿಕವಾಗುತ್ತಿದೆ. ವ್ಯವಹಾರದ ಪ್ರಮಾಣ ಅಧಿಕವಾದಾಗ ಸಹಜವಾಗಿಯೇ ಇಂತಹ ಏರಿಳಿತ ಇದ್ದೇ ಇರುತ್ತದೆ. ಅದೂ ದೇಶೀಯ ಮತ್ತು ವಿದೇಶಿ ಸಾಂಸ್ಥಿಕ ಹೂಡಿಕೆದಾರರ ವಹಿವಾಟಿನ ಪ್ರಮಾಣದಲ್ಲಿ  ಅಧಿಕ ಏರಿಕೆ ಆದಾಗ, ಖರೀದಿ ಮತ್ತು ಮಾರಾಟಗಳ ಭರಾಟೆ ಹೆಚ್ಚಿರುತ್ತದೆ. ಖರೀದಿಸುವುದು ಮತ್ತು ಮಾರುವುದು ಬಹಳ ಶೀಘ್ರವಾಗಿ ಆಗುವಾಗಲೇ ಏರಿಳಿತವೂ ಅಷ್ಟೆ ತೀವ್ರವಾಗಿ ಇರುತ್ತದೆ. ಈ ಏರಿಳಿತವನ್ನು ಅನುಕೂಲಕರವಾಗಿ, ಲಾಭದಾಯಕವಾಗಿ, ಬಳಸಿಕೊಳ್ಳುವ ಸುಲಭ ಉಪಾಯವೇ ಸಿಸ್ಟಮ್ಯಾಟಿಕ್‌ ಇನ್ವೆಸ್ಟ್‌ಮೆಂಟ್‌ ಪ್ಲಾನ್‌ ಇದನ್ನೇ ಸಿಪ್‌ ಎನ್ನುತ್ತೇವೆ. ಸಿಪ್‌ ಅನ್ನು ಸರಳವಾಗಿ ಹೇಳುವುದಾದರೆ ಒಂದು ಆರ್‌.ಡಿ ಕಟ್ಟಿದ ಹಾಗೆ.

ಪ್ರತಿ ತಿಂಗಳು ಇಂತಿಷ್ಟು ಹಣವನ್ನು ಮ್ಯೂಚುವಲ್‌ ಫ‌ಂಡ್‌ನ‌ ಯೋಜನೆಯಲ್ಲಿ ಕಟ್ಟುತ್ತ ಬರುವುದು. ಕನಿಷ್ಠ 500 ರೂಪಾಯಿಗಳಿಂದಲೂ ಈ ಹೂಡಿಕೆ ಆರಂಭಿಸಬಹುದು. ಯಾರು ಬೇಕಾದರೂ ಕಟ್ಟಬಹುದು. ಪ್ರತಿ ತಿಂಗಳೂ ಬ್ಯಾಂಕ್‌ ಖಾತೆಯಿಂದ ನೇರವಾಗಿ ಜಮಾ ಆಗುವ ವ್ಯವಸ್ಥೆ ಇದೆ.

ಮುಖ್ಯವಾಗಿ ಆಗಷ್ಟೇ ಕೆಲಸಕ್ಕೆ ಸೇರಿರುವ, ಮಕ್ಕಳ ಹೆಸರಿನಲ್ಲಿ ಕಟ್ಟಬೇಕು ಎನ್ನುವವರು, ಆರ್ಥಿಕ ಶಿಸ್ತಿನ ಬಹುಮುಖ್ಯ ಭಾಗವಾಗಿ ಸಿಪ್‌ ಅನ್ನು ಆಯ್ಕೆ ಮಾಡಿಕೊಳ್ಳುತ್ತಾರೆ. ಪ್ರತಿ ತಿಂಗಳು ಉಳಿತಾಯ ಮಾಡಿದ ಹಾಗೂ ಆಯಿತು. ಉಳಿಸಿದ್ದನ್ನು ಬೆಳೆಸಲು ಸಹಕಾರಿಯೂ ಆಯಿತು.

ಹೂಡಿಕೆದಾರರ ಅಗತ್ಯಕ್ಕೆ ಅನುಗುಣವಾಗಿ ಸಿಪ್‌ನಲ್ಲೂ ಹಲವಾರು ಯೋಜನೆಗಳಿವೆ, ಅನುಕೂಲತೆಗಳಿವೆ. ಸಣ್ಣ ಹೂಡಿಕೆದಾರರ ಅಗತ್ಯವನ್ನು ಮನಗಂಡು ಹಲವಾರು ರೀತಿಯಿಂದ ಹಣ ಹಿಂಪಡೆಯುವ ಅವಕಾಶವೂ ಇಲ್ಲಿದೆ. ಈಗಂತೂ ಸಿಪ್‌ ಬಗೆಗೆ ಎಲ್ಲೆಡೆಯೂ ಪ್ರಚಾರ ಮಾಡಲಾಗುತ್ತಿದೆ. ಇರುವುದರಲ್ಲಿ ಇದು ಹೆಚ್ಚು ಸುರಕ್ಷ ಅನ್ನಿಸುತ್ತಿದೆ. ಷೇರು ಪೇಟೆ ಇಳಿದಾಗ ನಾವು ಹಾಕಿದ ಅದೇ ಹಣಕ್ಕೆ ಜಾಸ್ತಿ ಯೂನಿಟ್‌ ಪಡೆಯುತ್ತೇವೆ. ಪೇಟೆ ಮೇಲಿರುವಾಗ ಅದೇ ಹಣಕ್ಕೆ ಕಡಿಮೆ ಯೂನಿಟ್‌ ಬರಬಹುದು. ಅಂದರೆ ಮಾರುಕಟ್ಟೆಯ ಅನಿಶ್ಚಿತತೆಯನ್ನು ಸರಿಯಾಗಿ ಎದುರಿಸುವುದಕ್ಕೆ ಇದು ಅತ್ಯಂತ ಸೂಕ್ತ ಮತ್ತು ಸರಳವಾದದ್ದು.

– ಸುಧಾಶರ್ಮ ಚವತ್ತಿ