ಶ್ರೀಗಳವರ ನೆರಳಲ್ಲಿ ನಾವೆಲ್ಲರೂ ಹೆಜ್ಜೆ ಹಾಕೋಣ : ಸಿಎಂ ಎಚ್‌ಡಿಕೆ 

ಬೆಂಗಳೂರು: ಸಿದ್ಧಗಂಗಾ ಶ್ರೀಗಳಾದ ಡಾ.ಶಿವಕುಮಾರ ಸ್ವಾಮೀಜಿ ಅವರ ಅಂತಿಮ ದರ್ಶನದ ಬಳಿಕ ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಅವರು ಟ್ವೀಟ್‌ಗಳನ್ನು ಮಾಡಿ ಧನ್ಯವಾದಗಳನ್ನು ತಿಳಿಸಿದ್ದು, ಶ್ರೀಗಳವರ ನೆರಳಿನಲ್ಲಿ ಹೆಜ್ಜೆ ಹಾಕೋಣ ಎಂದಿದ್ದಾರೆ. 

ಸಿಎಂ ಮಾಡಿದ ಟ್ವೀಟ್‌ಗಳು 

ನಡೆದಾಡುವ ದೇವರು, ಅನ್ನ, ಅಕ್ಷರ, ಆಶ್ರಯ ದಾಸೋಹದ ಹರಿಕಾರ ಡಾ ಶಿವಕುಮಾರ ಸ್ವಾಮೀಜಿಯವರಿಗೆ ಅಂತಿಮ ನಮನಗಳು. ನಾಡಿನ ಹೆಮ್ಮೆಯಾದ ತ್ರಿವಿಧ ದಾಸೋಹಿ ಶ್ರೀಗಳ ಅಂತಿಮ ದರ್ಶನ ಶಾಂತಿ ಹಾಗೂ ಗೌರವಯುತವಾಗಿ ನಡೆಯಿತು. ನಾಡಿನ ಎಲ್ಲರೂ ಭಕ್ತಿ ನಮನ ಸಲ್ಲಿಸಲು ಸಕಲ ವ್ಯವಸ್ಥೆ ಮಾಡಿದ ಎಲ್ಲರಿಗೂ ಅಭಿನಂದನೆ ಸಲ್ಲಿಸುತ್ತೇನೆ.

ಡಿಸಿಎಂ ಡಾ.ಜಿ.ಪರಮೇಶ್ವರ್‌, ಗೃಹ ಸಚಿವರಾದ ಎಂ.ಬಿ.ಪಾಟೀಲ್‌, ಸಂಪುಟ ಸಹೋದ್ಯೋಗಿಗಳು,ಪೋಲಿಸ್ ಸಿಬ್ಬಂದಿ, ಜಿಲ್ಲಾಡಳಿತ, ರಾಜ್ಯದ ವಿವಿಧ ಜಿಲ್ಲೆಗಳಿಂದ ಆಗಮಿಸಿದ ಮಠಾಧಿಪತಿಗಳು, ಭಕ್ತಸಮೂಹ ಎಲ್ಲರಿಗೂ ಕೃತಜ್ಞತೆಗಳು.
ಅತ್ಯಂತ ಧಾರ್ಮಿಕವಾಗಿ,ಶಾಂತಿಯುತವಾಗಿ ಶ್ರೀಗಳವರ ಅಂತಿಮ ವಿಧಿ ವಿಧಾನ ನಡೆಯಿತು. ಶ್ರೀಗಳವರ ನೆರಳಲ್ಲಿ ನಾವೆಲ್ಲರೂ ಹೆಜ್ಜೆ ಹಾಕೋಣ.