Advertisement

Leopard: ಮೂಲ್ಕಿ ಕೊಯ್ಯಾರಿನಲ್ಲಿ ಚಿರತೆ?

10:29 PM Sep 28, 2024 | Team Udayavani |

ಮೂಲ್ಕಿ: ನಗರದ ಅಂಚೆ ಕಚೇರಿ ಸಮೀಪದ ಕೊಯ್ಯಾರಿನಲ್ಲಿ ಶನಿವಾರ  ರಾತ್ರಿ 8 ಗಂಟೆ ಸುಮಾರಿಗೆ ಚಿರತೆಯೊಂದು  ಸಣ್ಣ ಮರಿಯ ಜತೆಗೆ ಪ್ರತ್ಯಕ್ಷವಾಗಿ ಬಗ್ಗೆ ಸ್ಥಳೀಯರು ತಿಳಿಸಿದ್ದಾರೆ.

Advertisement

ಕೆಲವು ದಿನಗಳಿಂದ ಮೂಲ್ಕಿ ಕಾರ್ನಾಡು ಹಾಗು ಕೊಕ್ಕರ್‌ಕಲ್‌ ಬಳಿ ಚಿರತೆ ಕಾಣಿಸಿಕೊಂಡಿರುವ ಬಗ್ಗೆ  ದೂರುಗಳು ಬಂದಿರುವ ಹಿನ್ನೆಲೆಯಲ್ಲಿ ನಗರ ಪಂಚಾಯತ್‌ ವತಿಯಿಂದ ಅರಣ್ಯ ಇಲಾಖೆಗೆ ಮನವಿ ಮಾಡಿ ಎರಡು ಬೋನುಗಳನ್ನು ಇರಿಸಲಾಗಿತ್ತು. ಆದರೆ ಚಿರತೆ ಅದರಲ್ಲಿ ಸೆರೆಯಾಗಿರಲಿಲ್ಲ.

ಶನಿವಾರ  ಕೊಯ್ಯಾರಿನಿಂದ ನಗರ ಪಂಚಾಯತ್‌ ಕಸ ಸಂಗ್ರಹ  ಪ್ರದೇಶಕ್ಕೆ ಚಿರತೆ ಹೋಗುವುದನ್ನು ಕಂಡಿರುವುದಾಗಿ ಬೈಕ್‌ನಲ್ಲಿ ಬಂದ ವ್ಯಕ್ತಿಯೊಬ್ಬರು ತಿಳಿಸಿದರು. ಬಳಿಕ ಅದನ್ನು ಓಡಿಸಲು ಪ್ರಯತ್ನಿಸಿದಾಗ ಚಿರತೆ ಮೆಡಲಿನ್‌ ಶಾಲೆಯತ್ತ ಹೋಯಿತು  ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ.

ಐದಾರು ದಿನಗಳ ಹಿಂದೆ ಮೂಲ್ಕಿ ಕೋಟೆಕೇರಿ ರಸ್ತೆಯ ಕಕ್ವ ರಸ್ತೆಯ ತಿರುವು ಬಳಿ ಮರಿ ಚಿರತೆಯನ್ನು ನೋಡಿರುವ ಬಗ್ಗೆಯೂ ಕೆಲವರು ತಿಳಿಸಿದ್ದರು.

Advertisement

Udayavani is now on Telegram. Click here to join our channel and stay updated with the latest news.

Next