ಹರತಾಳಕ್ಕೆ ಕರೆ: ಸುಳ್ಯದಲ್ಲಿ  ಬಿಗು ಬಂದೋ ಬಸ್ತ್

ಸುಳ್ಯ : ಮಂಗಳೂರಿನಲ್ಲಿ  ಶನಿವಾರ ನಡೆಯಲಿರುವ ಕರಾವಳಿ ಸೌಹಾರ್ದ ರ್ಯಾಲಿಗೆ ಕೇರಳದ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಆಗಮಿಸಲಿದ್ದು, ಈ ಸಂದರ್ಭ ಹಿಂದೂ ಸಂಘಟನೆಗಳು  ಹರತಾಳಕ್ಕೆ ಕರೆ ನೀಡಿದ ಹಿನ್ನೆಲೆಯಲ್ಲಿ ಯಾವುದೇ ಅಹಿತಕರ ಘಟನೆ ನಡೆಯದಂತೆ ಸುಳ್ಯದಲ್ಲಿ  ಬಿಗು ಬಂದೋಬಸ್ತು  ಏರ್ಪಡಿಸಲಾಗಿದೆ.

ಈ ವ್ಯವಸ್ಥೆಗಾಗಿ ಚಿಕ್ಕಮಂಗಳೂರು ಎಸ್ಪಿ ಅಣ್ಣಾಮಲೈ ನೇತೃತ್ವದ ತಂಡವನ್ನು ನಿಯೋಜನೆಗೊಳಿಸಿದ್ದು, ಇದರ ಅಂಗವಾಗಿ ಶುಕ್ರವಾರ ಸುಳ್ಯ ನಗರದಲ್ಲಿ ಪೊಲೀಸ್‌ ಪಥ ಸಂಚಲನ ನಡೆಯಿತು.

ಪಿಎಸ್‌ಐ-8, ಎಎಸ್‌ಐ-11,ಕೆಎಸ್‌ಆರ್‌ಪಿ-60, ನಾಗರಿಕ ಪೊಲೀಸ್‌-60, ಸಂಚಾರಿ ಘಟಕ-15 ಈ ತಂಡವನ್ನು ಸುಳ್ಯ ತಾಲೂಕಿನಾದ್ಯಂತ ಬಂದೋಬಸ್ತ್ಗಾಗಿ ನಿಯೋಜಿಸಲಾಗಿದೆ. ಇದರ ಜತೆಗೆ ಸುಳ್ಯ ಗƒಹರಕ್ಷಕ ದಳ ಸೇರಿಕೊಂಡಿದೆ ಎಂದು ಸುಳ್ಯ ವೃತ್ತ ನೀರಿಕ್ಷಕ ವಿ. ಕೃಷ್ಣಯ್ಯ ಅವರು ತಿಳಿಸಿದ್ದಾರೆ.