“ಹೆಬ್ಟಾಳಕರ ಹೆದರುವ ಹೆಣ್ಣಲ್ಲ’ : ಸಂಜಯ ಪಾಟೀಲ್‍ಗೆ ಲಕ್ಷ್ಮೀ ಹೆಬ್ಟಾಳಕರ ತಿರುಗೇಟು

ಬೆಳಗಾವಿ: ನನ್ನ ಬಗ್ಗೆ ಹೇಳಿಕೆ ನೀಡುವ ಮೊದಲು ಸಂಜಯ ಪಾಟೀಲ ಅಣ್ಣ ತಾವು ವಿಮರ್ಶೆ ಮಾಡಿಕೊಳ್ಳಬೇಕು. ಸಂಜಯ ಅಣ್ಣನಿಗೆ ಮಗಳಿದ್ದಾಳೆ, ತಾಯಿ, ಸಹೋದರಿಯರೂ ಇದ್ದಾರೆ. ಹೀಗಾಗಿ ಇಂಥ ಕೀಳು ಮಟ್ಟದ ಹೇಳಿಕೆಯನ್ನು ಅವರು ಯಾರ ವಿರುದ್ಧ ನೀಡಿದ್ದಾರೆ ಎಂಬುದನ್ನು ಅವರೇ ವಿಮರ್ಶೆ ಮಾಡಿಕೊಳ್ಳಲಿ ಎಂದು ಬೆಳಗಾವಿ ಗ್ರಾಮೀಣ ಶಾಸಕಿ ಲಕ್ಷ್ಮೀ ಹೆಬ್ಟಾಳಕರ ತಿರುಗೇಟು ನೀಡಿದರು.

ಇಂಥ ನೂರು ಜನ ಸಂಜಯ ಅಣ್ಣನ ಹೇಳಿಕೆ ಕೊಟ್ಟರೂ, ಎದುರು ಬಂದರೂ ಹೆದರುವುದಿಲ್ಲ. ಹೆಬ್ಟಾಳಕರ ಹೆದರುವ ಹೆಣ್ಣಲ್ಲ. ಭಾರತದ ಇತಿಹಾಸದಲ್ಲಿ ಹೆಣ್ಣನ್ನು ನೋಯಿಸಿದವರು, ಅವಹೇಳನಕಾರಿಯಾಗಿ ಮಾತನಾಡಿದವರ ಪರಿಸ್ಥಿತಿ ಏನಾಗಿದೆ ಎಂಬುದನ್ನು ತಿಳಿದುಕೊಳ್ಳಬೇಕು. ಇಂಥ ಹೇಳಿಕೆಗೆ ನಾನು ಚಾಲೆಂಜ್‌ ಮಾಡುವುದಿಲ್ಲ. ನಾನು ಸುಮ್ಮನೆ ಕುಳಿತುಕೊಳ್ಳುವ ಹೆಣ್ಣು ಅಲ್ಲ. ಮುಂದಿನ ದಿನಗಳಲ್ಲಿ ಏನು ಮಾಡುತ್ತೇನೆ ಅಂತ ನೋಡ್ತಾ ಇರಿ. ಜನ ತಕ್ಕ ಪಾಠ ಕಲಿಸುತ್ತಾರೆ ಎಂದು ಕಿಡಿಕಾರಿದರು.

ಸಂಜಯ ಪಾಟೀಲ ಅವರು ಬೆಳಗಾವಿ ಜಿಲ್ಲಾ ಬಿಜೆಪಿ ಅಧ್ಯಕ್ಷರಾಗಿ ಹೇಳಿಕೆ ನೀಡಿದ್ದಾರಾ? ಅಥವಾ ವೈಯಕ್ತಿಕವಾಗಿ ಹೇಳಿಕೆ ನೀಡಿದ್ದಾರಾ ಎಂಬುದನ್ನು ಮುಖ್ಯಮಂತ್ರಿ ಬೊಮ್ಮಾಯಿ ಹಾಗೂ ಬಿಜೆಪಿ ರಾಜ್ಯಾಧ್ಯಕ್ಷ ನಳೀನಕುಮಾರ್‌ ಕಟೀಲ್‌ ಸ್ಪಷ್ಟ ಪಡಿಸಲಿ. ಇದು ನಿಮ್ಮ ಪಕ್ಷದ ಶಿಸ್ತು, ಸಂಸ್ಕೃತಿಯೇ ಎಂದು ಪ್ರಶ್ನಿಸಿದ್ದಾರೆ.