ಅಲಹಾಬಾದ್‌ ಹೈಕೋರ್ಟ್‌ ಪೀಠಕ್ಕಾಗಿ 3 ದಿನಗಳ ಕೋರ್ಟ್‌ ಬಹಿಷ್ಕಾರ

ಮುಜಫ‌ರನಗರ, ಉತ್ತರ ಪ್ರದೇಶ : ಪಶ್ಚಿಮ ಉತ್ತರ ಪ್ರದೇಶದ 20ಕ್ಕೂ ಹೆಚ್ಚು ಜಿಲ್ಲೆಗಳ ವಕೀಲರು ಅಲಹಾಬಾದ್‌ ಹೈಕೋರ್ಟ್‌ ಪೀಠ ಸ್ಥಾಪನೆಯನ್ನು ಆಗ್ರಹಿಸಿ ಇಂದಿನಿಂದ ಮೂರು ದಿನಗಳ ಕೋರ್ಟ್‌ ಬಹಿಷ್ಕಾರ ಮುಷ್ಕರ ಆರಂಭಿಸಿರುವುದರ ಪರಿಣಾವಾಗಿ ಈ ಜಿಲ್ಲೆಗಳಲ್ಲಿನ ನ್ಯಾಯಾಂಗ ಕೆಲಸ ಕಾರ್ಯಗಳು ಸಂಪೂರ್ಣ ನಿಲುಗಡೆಗೊಂಡಿವೆ.

ಹೈಕೋರ್ಟ್‌ ಪೀಠ ಕ್ರಿಯಾ ಸಮಿತಿಯು “ಕೋರ್ಟ್‌ ಬಹಿಷ್ಕಾರ ಮುಷ್ಕರ’ಕ್ಕೆ ಕರೆ ನೀಡಿದೆ. ಅಲಹಾಬಾದ್‌ ಹೈಕೋರ್ಟ್‌ ಪೀಠವನ್ನು ಪಶ್ಚಿಮ ಉತ್ತರ ಪ್ರದೇಶದ 20 ಜಿಲ್ಲೆಗಳ ಪೈಕಿ ಯಾವುದೇ ಒಂದು ಜಿಲ್ಲೆಯಲ್ಲಿ ಸ್ಥಾಪಿಸಬೇಕು ಎಂದು ಈ ಭಾಗದ ವಕೀಲರು ಬಹಳ ಹಿಂದಿನಿಂದ ಆಗ್ರಹಿಸಿಕೊಂಡು ಬಂದಿದ್ದಾರೆ.