Advertisement
ಐಸಿಸಿಆರ್‌ ವತಿಯಿಂದ ಮಾಹೆ ವಿ.ವಿ. ಹಾಗೂ ಪುಣೆಯ ಸಾವಿತ್ರಿಬಾೖ ಫ‌ುಲೆ ವಿ.ವಿ. ಸಹಭಾಗಿತ್ವದಲ್ಲಿ ಗುರುವಾರ ನಡೆದ ಕಾರ್ಯಕ್ರಮದಲ್ಲಿ “ಯುನಿವರ್ಸಲೈಸೇಶನ್‌ ಆಫ್‌ ಟ್ರೆಡಿಶನಲ್‌ ಇಂಡಿಯನ್‌ ನಾಲೇಜ್‌ ಸಿಸ್ಟಮ್‌’ (ಯುಟಿಐಕೆಎಸ್‌) ವೆಬ್‌ಸೈಟ್‌ ಅನಾವರಣಗೊಳಿಸಿ ಅವರು ಮಾತನಾಡಿದರು.
ಅನಿವಾಸಿ ಭಾರತೀಯರು ಸೇರಿದಂತೆ ವಿದೇಶಿ ವಿದ್ಯಾರ್ಥಿಗಳಿಗೆ ಭಾರತೀಯ ಜ್ಞಾನದ ಅಗಾಧತೆಯನ್ನು ತಿಳಿಸುವುದು ಮತ್ತು ಹಲವು ವಿಷಯಗಳ ಬಗ್ಗೆ ನೀಡಿರುವ ತಪ್ಪು ಕಲ್ಪನೆಗಳನ್ನು ಸರಿಪಡಿಸುವ ಸವಾಲು ನಮ್ಮ ಮುಂದಿದೆ ಎಂದು ಹೇಳಿದರು. ಐಸಿಸಿಆರ್‌ ಡೆಪ್ಯೂಟಿ ಡೈರೆಕ್ಟರ್‌ ಜನರಲ್‌ ಅಭಯ್‌ ಕುಮಾರ್‌ ಯುಟಿಐ ಕೆಎಸ್‌ ಪೋರ್ಟಲ್‌ ಬಗ್ಗೆ ಮಾಹಿತಿ ನೀಡಿದರು. ಎಂಇಎಂಜಿ ಕಾರ್ಪೊರೆಟ್‌ ಅಫೈರ್ ಸ್ಪೆಷಲ್ ಪ್ರಾಜೆಕ್ಟ್ ಹಿರಿಯ ಉಪಾಧ್ಯಕ್ಷ ಸೋಮನಾಥ್‌ ದಾಸ್‌, ಮಾಹೆ ವಿ.ವಿ. ಕುಲಸಚಿವ ಡಾ| ಗಿರಿಧರ್‌ ಕಿಣಿ ಉಪಸ್ಥಿತರಿದ್ದರು. ಮಾಹೆ ವಿ.ವಿ. ಸಹ ಕುಲಪತಿ ಡಾ| ನಾರಾಯಣ ಸಭಾಹಿತ್‌ ಸ್ವಾಗತಿಸಿ, ಪ್ರಸ್ತಾವನೆಗೈದರು. ಐಸಿಸಿಆರ್‌ ಡೈರೆಕ್ಟರ್‌ ಜನರಲ್‌ ಕುಮಾರ್‌ ತುಹಿನ್‌ ವಂದಿಸಿದರು. ಸಂಬಿತ್‌ ದಾಸ್‌ ನಿರೂಪಿಸಿದರು.
Related Articles
ವಿಶ್ರಾಂತ ಕುಲಪತಿ ಡಾ| ಕೆ. ಚಿನ್ನಪ್ಪ ಗೌಡ ವಿಷಯ ಮಂಡಿಸಿ, ಭಾರತೀಯ ಜಾನಪದ ಅಥವಾ ಸ್ಥಳೀಯ ಜ್ಞಾನ ವ್ಯವಸ್ಥೆಯು ಅತ್ಯಂತ ವ್ಯವಸ್ಥಿತ ಹಾಗೂ ಪರಿಣಾಮಕಾರಿಯಾಗಿದೆ. ತುಳುನಾಡಿನ ಜಾನಪದ, ಸಿರಿ, ಭೂತಾರಾಧನೆ ಸಹಿತ ವಿವಿಧ ಆಚರಣೆಗಳು ಸಾಕಷ್ಟು ಜ್ಞಾನಾಧಾರಿತವಾಗಿವೆ. ಯುವ ಜನತೆ ಈ ವಿಷಯಗಳಲ್ಲಿ ಪರಿಣಾಮಕಾರಿಯಾಗಿ ತೊಡಗಿಸಿಕೊಳ್ಳಬೇಕು ಎಂದರು.
Advertisement
ಕರ್ನಾಟಕ ಸಂಸ್ಕೃತ ವಿ.ವಿ.ಯ ವ್ಯಾಕರಣ ವಿಭಾಗದ ಮುಖ್ಯಸ್ಥೆ ಪ್ರೊ| ಶಿವಾನಿ ವಿ. ಮಾತನಾಡಿ, ಜ್ಞಾನ, ವಿಜ್ಞಾನ ಮತ್ತು ದರ್ಶನವನ್ನು ಒಳಗೊಂಡಂತೆ ಭಾರತವನ್ನು ನೋಡಬೇಕು. ಜ್ಞಾನ ಮತ್ತು ಪ್ರಾಯೋಗಿಕತೆಯ ನಡುವೆ ಸಾಕಷ್ಟು ಅಂತರವಿದೆ. ಪ್ರಾಚೀನ ಜ್ಞಾನ ಮತ್ತು ತಂತ್ರಜ್ಞಾನದ ಸಹಕಾರದೊಂದಿಗೆ ಈ ಅಂತರ ಸರಿಪಡಿಸುವ ಕಾರ್ಯ ಆಗಬೇಕು.
ಮಾಹಿತಿ ತಂತ್ರಜ್ಞಾನದ ಸಮರ್ಪಕ ಬಳಕೆಯೂ ಆಗಬೇಕು. ಪ್ರವಾಸೋದ್ಯಮ ಬೆಳೆಸುವ ಜತೆಗೆ ಪ್ರವಾಸಿ ಸ್ಥಳಗಳ ಮಾಹಿತಿಯನ್ನು ಆಧುನಿಕ ತಂತ್ರಜ್ಞಾನದ ಮೂಲಕ ತಿಳಿಸುವಂತಾಗಬೇಕು ಎಂದರು.